ياهلا .. هل انتم من اللي لازم ياكلون معجنات وتكون بسفرتكم الرمضانية يومياً ؟؟ لاني اعرف بعض الناس لاززززززم يومياً فطاير وبيتزا انا لو تسذا كان انتفخت 😂 .. .
اليوم جايبه لكم طريقتي بالفطاير المحشيه بالتونة المكشنة 👌 كنت اذوق هالفطاير من محل معجنات وكانت تعجبني حشوتهم وعاد تمقلت به وعرفت طريقته 🤣 ومتأكده بتعجبكم وماراح تاكلون تونه الا بهالطريقة 👌.. .
طريقتي بالعجينة الطررررية بقوووة 👌.. بالخلاط .. علبه زبادي دافيه + فنجال سكر + كوب ماء دافي مذاب فيه ملعقه كبيرة خميره( انتبهوا لازم ماء دافي مو حار حتي لاتفسد الحراره شغل الخميرة وبعدين العجينه مايتضاعف حجمها ولا تتخمر ) + ربع كوب زيت ونخللللط حتي تمتزج المكونات واخر شي الدقيق تاخذ تقريبا اربع كاسات ونعجنها زين ونتركها تتخمر ساعه ..
.
حشوة التونة المكشنة .. بقدر صغير نحط شوي من زيت التونه ونكشن فيه بصل + طماط + ملح وفلفل اسود + بهارات وكركم واذا حابين شوي كاري + شوي صلصه ونحمس حتي تذوب الكشنه شوي همن نحط التونه ونحاول نفتتها بالشوكه ونقلبها مع الكشنه حتي تتسبك لمده خمس دقايق واخر شي نحط فلفل اخضر بارد مقطع صغار وهو سرررر النكهه للحشوه ونقلبها دقيقه وخلاص .. ننتظرها تبرد شوي ونحشي فيها الفطاير وبالف عافيه علي قليباتكم ❤️.