ويامساء الكبيسة الطيبة 👌🤣 ومثل ماوعدتكم اني انزل لكم وصفه كبسه هاه علي الوعد ولا لا هههههه .. المهم احيانا الواحد تسذا يشتهي يصير مجرم كبسه ويدددددق به لين يعجز يتنفس 😂 انتم تجيكم هالنوبات هههه الحمد لله انها نوبات موب دايم .. المهم لاتفوتكم هالكبسه طعمها بالدماغ ذقتها عند بنت خالتي واخذت الطريقه لعيونكم .. .
طريقه رز اصفر بالزبادي 👌.. .
نحمس شوي زيت مع بصل + ثوم + ملح + بهارات + كركم + شوي هيل + ورق غار حتي يذبل البصل همن نحط الدجاج طبعا مغسول ومقطع علي حسب رغبتكم + علبتين زبادي دافيه ونحركهم زين ونخليه يتسبك لمده خمس دقايق .. بعد كيذا نضيف الماء ونخليه يطبخ حتي تنضج الدجاجه وعقبها نشيل الدجاج ونذوق الملح ونحط الحبحر والرز المغسول والمنقوع مسبقا ويفضل رز مزه مثل ابو كاس وطبعا مقياس الماء يكون مرتفع عن الرز شوي ونخليه يغلي شوي همن نقصر النار نميلااااات 😂 حتي تستوي الرزيزة علي راحته ..
.
وعلي بال مايستوي الرز نجهز الكشنه .. في مقلاه نحمس زيت + بصل + ملح + هيل مطحون + قرفه مطحونه + كركم وشوي بهارات + زبيب ونحمسهم زين حتي يتحمر البصل .. .
وعقب مايستوي الرز نوزع الكشنه عليه ونحليه ربع ساعه علي نار هاديه .. .
والدجاج طبعا نحمره بالفرن .. وبتسذا خلصت الطريقه وعساه كبسه العافيه .. ولاتنسون اللبن 🤣 .. .
اذا مقدار الكبسه قليل لشخصين مثلا يكفي زبادي واحد .. حركوا الصور يامال العافيه ولاتنسن تطقن اللايك يابعدي ❤️