.
.
مطبق ~
اسهل مطبق واعتمده يومياً
المقادير :
طبعاً كل شيء اكون مجهزته من قبل وافرزنه ماعدا شرائح المطبق اخليها بالبراد
دجاج مفروم
بصل مقطع صغار (انا مفرزنته )
جزر مبشور صغار ( مفرزن )
شرائح مطبق مربعه او اذا تحبون استخدموا شرائح السمبوسه
شبت
بقدونس
بيضه
بهارات (بهارات مشكله – كركم – معجون طماطم – رشة ملح- رشة فلفل اسود )
الطريقه :
نجهز الحشوه ونفرزنها واللي نحتاجه نطلعه ونسخنه بالمايكرويف
طريقتي بصل احطهم بالمقلاه الوسيعه مع شوي زيت حتى يتغير لونه شوي ثم اضيف الدجاج المفروم مطلع من قبل حتى صار لين ونضيفه على البصل ونعلي النار شوي حتى يتغير لون الدجاج ثم نضيف الجزر ونحركه ثم نضيف البهارات ملعقه من كل شيء ماعدا الملح رشه والفلفل الاسود رشه ثم نطفي عنه حتى يبرد ونصب الماء الزايد اللي فيه ثم نقطع بقدونس وشبت معه واذا تحبون الكراث بعد اطعم وناخذ اللي نحتاجه بصحن ونضيف له بيضه والباقي يفرزن
ثم احط على شريحة المطبق نفس الصوره الحشوه على جنب واسكر عليها اكون مسخنه الصاج واقلبه عليها حتى يتحمر وارفعه منه واعصر عليه ليمونه ويغطى لوقت التقديم يقصص بالمقص حسب المقاس اللي تحبون مع قطع ليمون
تتهنوا فيه يارب
دعواتكم 🔹