.
.
ديناميت شريمب 🍤
.
.
الافضل تستخدمون الجامبو مقاس كبير .

المقادير:
روبيان جامبو
رشة او فص ثوم – رشه ملح – نصف م ص كركم –
م ص بهار مشكل
ليمونه وحده اوحسب الرغبه
م ك صوص الصويا
م ك دقيق
م ك نشاء
الصوص البرتقالي:
صلصه فرنسيه
تتبيلة اجنحة الدجاج الحاره
سومطره
مايونيز او بديله الرانش
طبعاً التقدير من عندك حابه يكون حار او لونه غامق لانه احياناً ينقص فتزودين الكميه

الطريقه:
اذا كان الروبيان طازج ننظفه ونشيل الراس ونخلي الذيل وننظفه بملح ودقيق وليمون ربع ساعه ينقع بعدين نغسله اما اذا كان مجمد ننقعه بالماء ليما يذوب الثلج وننظفه بالدقيق والملح مع والليمون وبعدين نغسله وهذا اللي استخدمته مجمد
بعدها نضيف ع الروبيان الثوم والليمون والصويا والدقيق والنشاء والملح والكركم والبهار المشكل نخلطه ونتركه بالثلاجه حتى يمسك النكهه لحد وقت القلي والافضل بنصف ساعه ع الاقل
نقلي الروبيان ونخليه ينشف ع ورق المطبخ ع بال مانحضر الصوص البرتقالي نخلطهم مع بعض ونغمس الروبيان فيه ونقدمه مع قطع صغيره من البصل الاخضر ولو حابين افرشوا الصحن بملفوف مقطع صغير او شرايح او يقدم مع رز او سليق
تتهنوا فيه يارب
دعواتكم