يارب طمنا وطمن قلوبنا ، واحفظنا واحفظ لنا ما نُحب ، وغير حالنا إلى أحسن حال وبدل خوفنا أمنًا 🌾

كلوب الدجاج الكذاب ~
من ارشيفي🤭 .
.
بطريقة جميلتي نوقا ربي يسعد قلبها @tamemiah_33 ويهنيها بحياتها
انسخ لكم طريقتها
ساندوتشات لذيذة وسهله والأهم سررريعة 👌😍 ‎سميتها كذبية لأن اغلب اللي يذوقونها يحسبون ‎فيها دجاج وهي ابداً مافيها .. 🙊 ‎تقطعون فلفل ملون وممكن اخضر لحاله ممكن جزر مبشور ممكن مشروم اي خضار تحبونها وحتى لو تحبون الزيتون تضيفونه اخر شي
‎كل شي يتقطع صغييير مرة ‎تحطون قطعة زبدة صغيرة افضل وممكن زيت وتشوحون البصل وشوي ثوم بس يبدا
‎يصير اشقر تحطون عليه الفلفل البارد وتقلبونهم ‎وبعدين الجزر المبشور تحطون بديل الماجي والبهارات فلفل اسود / كزبرة مطحونه / بهارات مشكلة انا حطيت بهارات الدجاج ‎لاتنسون الملح .. تتركونهم يتسبكون مع بعض وتتبخر مويتهم تمام وينشف زين يابنات عشان لا يرطب التوست ‎تدهنون التوست بمايونيز بعدين هالخلطة وفوقها شريحه جبن وبعدين هنا لكم خيار الاضافات ممكن زيتون شرايح او هلابينو بيعطيها طعم 👌🏼 بعدين تقفلونها بتوست مرة ثانية وتدهنونها من فوق بجبن سايل مخلوط مع كريمة عشان يسهل دهنها ونتفة ثوم بودره وشوي بهارات ايطاليه او ترشون عليها قبل الفرن ‎وتدخلونها الفرن من تحت بس تتحمر تفتحون عليها من فوق برضو تحمرونها وتطلعونها تتركونها دقايق تمسك حالها بعدين تقطعونها ‎التوست ممكن تخلونه طبقتين او 3 طبقات حسب ماتحبون .
تتهنوا فيها يارب
دعواتكم