- 91
- 0
- الأحد, 2 أغسطس, 2020 - 4 , مساءً
- التقييم:
الطريقة و المقادير
.
.
جوزيه ملونه ~
.
طعمها لذيذ وشكلها كيوت ويفتح النفس
المقادير:
اصبعين زبده لينه بحرارة الغرفه ٢٠٠ غرام
2 ونصف كوب دقيق كويتي
كوب نشاء
نصف ملعقه كبيره بكنج باودر
بيضتين
كوب سكر
ملعقه صغيره فانيلا
الوان طعام اللي متوفر عندك او خليهم ساده ع راحتك
الحشوه:
توفي ونوتيلآ
الطريقه:
لازم تتوفر عندك آلة الجوزيه اللي يسمونها عين الجمل
يخفق البيض والفانيلا والسكر والزبده بخلاط الكيك
ثم يضاف خليط الدقيق والنشاء فوقهم
يعجن حتى يتماسك
بعدها قسمي العجينه ووزعي عليها الالوان واعجنيهم
انا سويت هون احمر وازرق وبرتقالي واصفر واخضر وبنفسجي بس طلع غامق بقوه لاني كثرت اللون
اخلطي لون طعام احمر مع ازرق يطلع لك اللون البنفسجي
ثم نبدا نكورها صغار مقاس بعض ونحطهم بالاله بعضهم يمكن تطلع الكوره اكبر من الحجم مو مشكله شوي ليما تعرفين المقاس المضبوط
ثم نغطي الاله ونشغلها شوي بس تتحمر ولاتكثرين تحميرها
طفيها وارفعي الغطاء عنها وخليها تبرد شوي لانها حاره فماتقدرين تطلعينهم بسرعه
لما يبردون ماياخذون وقت اخذي عود خشب الطويل وابدي طلعيهم وهيك ليما تخلصين نحشيهم بالتوفي والنوتيلا
الاطراف الزايده لها كسريهم
احشي حبه توفي وسكري عليها بالثانيه واحفظيهم بعلبه حتى ماتنشف وتطلع قاسيه
وتتهنوا فيها يارب
دعواتكم
