.
.
يسعدلي مسائكم بكل خير وحشتوني 💁🏻💞🌹
.
.
تارت التفاح ~
.
مره حلو ولذيذ
اول شيء لو ماعندك صينة تآرت تقدرين تحطينها بصينية تشيز كيك وسط
وتسوين نفس الطريقه او صواني صغيره لو حابه التقديم يكون كيوت
مقآدير التارت :
أصبع زبدة يكون بحرارة الغرفة 100 غرام
كوب دقيق
ثلث كوب سكر
ملعقه صغيره فانيليا

الطبقه الثانيه وهي الحشوه:
بيضتين
نص كوب سكر
علبة جبنة فيلآدلفيآ 200 غرآم
آو 12 حبة كيري
شوي فانيلا

الطبقه الثالثه :
2-3 تفاح أحمر يقشر ويبشر
ثلث كوب سكر
2 م ك قرفة مطحونة
ربع كوب ماء
للزينه :
لوز مبشور+جوز هند محمص
الطريقه:
بمحضرة الطعام قصصت اصبع الزبده حتى يكون اسهل بالخلط واضفت الدقيق والسكر والفانيلا واخلطهم شوي واوقف حتى ماتتعجن بقوه مجرد خلط خفيف
بعدها اخذ فتات العجينه وابدا الصقها بالاطراف ليما اخلص ثم اضع بالقاعده من العجينه واساويها باليد او بعصا التارت ثم اخرم القاعده بالشوكه حتى ماتنتفخ ثم اضع عليه ورق زبده واحط ثقل اللي هو الرز او عدس او فول اهم شيء يكون حب وادخلهم بفرن مسبق التسخين من تحت حتى تتحمر الاطراف ونطلعه حتى يبرد
الطبقه الثانيه اللي هي طبقة الجبن اخلطهم بالخلاط واخليه على جنب الطبقه الثالثه احطهم بقدر وابشر التفاح واضيفهم عليهم بقدر على النار حتى يذبل التفاح حول 10 دقائق واحركه واطفيه واخليه يبرد
بعد مايبرد اضيف خلطة الجبن بالتارت واوزعه عليه كله ثم اخذ من حشوة التفاح بالشوكه واوزعه على الخلطه ومو لازم خلطة التفاح كله احتفظ بالزايد منه واوزع اللوز المبشور والجوز الهند المحمص وادخله بالفرن من فوق حتى يتماسك بعدها اطلعه وادخله الثلاجه يبرد
تتهنوا فيه يارب
دعواتكم