بف باستري homemade 🙌🏻
سويت عجينة البف باستري من فترة وهذه ثاني مره أجرب أسويها بحياتي😍
جربت وصفة كتاب بوشون.
مكونات البف باستري مره بسيطة ومافيها أي مواد رافعة
بس نحتاج (دقيق ومويه وزبدة وملح) ويضاف لها شي حامض مثل ليمون أو خل النبيذ الابيض (هم يستخدمونه أنا مااستخدمته عشان ماأحد يفهم غلط🌚)
استخدمت خل عادي بس كانت ريحته مره قوية لكن كانت تخف كل يوم .
الخل أو الحامض بالبف باستري تحمي العجينة من الأكسدة خاصة وإن العجينة التقليدية البف باستري تحتاج ٣ أيام حتى تجهز .
اللي بالصورة ممكن تسوونها بالبف الجاهز👍🏻
١-بالمير أو بيلميرز :تفرد البف باستري على السكر وتغطى بالسكر ثم تلف أو تطوى عدة طيات من الاطراف حتى المنتصف ثم تقصص وترتب بالصينية أو تقصص بعدها تلف مثل الفيديو المرفق.
٢- الثاني اسمه allumettes glacées
أو glazed puff pastry
عبارة عن طبقة ميرانغ على شريحة البف باستري
تقصص مستطيلات وتخبز .تشتغلون عليها وهي جامدة من الفريزر عشان يسهل عليكم تقطيعها بشكل مرتب .شوفوا الفيديو الملحق.
هذا البف باستري بالجليز مره مشهور وتلقون دائما بالسوبرماركت يشبه شكله بسكوت التراميسو .اكيد عرفتوه😄!
مقادير الجليز أو الميرانغ :مرفقه بعد الفيديوهات.
.
وعلى فكرة :
البف باستري بشكل عام له ٤ أنواع أو تكنيك :
١-بف باستري تقليدي أو الكلاسيكي أو المتعارف عليه
وهي الطريقة الفرنسية ويكون فيها مربع او مستطيل الزبدة ويغطى بالعجين ثم يطوى عدة طيات مثل الكرواسون.
تحتاج ٣ أيام .
كمية الزبدة فيها ٥٠ ٪؜ من وزن العجينة .
‏٢- Blitz puff pastry
هذه أعشقها وسبق سويتها مثل السحر يعني كأنكم سويتوا بف باستري ولكن بطريقة سريعة ..هذه بنفس اليوم تخبزونها .
وفكرتها إن الزبدة تكون باردة أو من الفريزر وتخلط بالدقيق والماء يعني مثل عجينة الباي لكن الزبدة فيها اكثر وتشوفونها بالعجين .
نفس الشي لازم تطوى كم طويه بعدين تشكل وتخبز (بإذن الله أسويها معكم)
وزن الزبدة فيها ٧٥٪؜من وزن الدقيق.
‏٣- Italian puff pastry
عاد هذه اللي ماعرفتها وبحثت عنها تطلع لي نفس الطريقة التقليدية .
تسمى pasta sfogliata
يقال فيها بيض بالعجينة بس صراحة ختمت اليوتيوب والمواضيع وأنا أدور وصفة ايطالية البف فيها بيض!🤔 اللي يعرف يفيدنا.
‏٤- inverted puff pastry
أو البف باستري المقلوب
نفس الشي مثل التقليدية عبارة عن عجينة وزبدة لكن الفرق إنه هالمرة الزبدة هي اللي تغلف اللعجينة .طبعا الزبدة نخلط مع كمية قليلة من الدقيق عشان تساعدك بتغليف العجين .
هذا التوع رائع وهش وخفيف الطبقات.