فطاير هشه
  • 23
  • Loading
  • 0
  • الجمعة, 7 أغسطس, 2020 - 9 , مساءً
  • التقييم:
الطريقة و المقادير

فطاير هشة بمربى التينemojiemoji

وصفة مربى التين بالبوست السابقemoji
العجينة هذه مختلفة ومره حلوه وسهلهemoji
أخذت وصفتها من بنت خالي وهي تسوي فيها فطاير تفاح لذيذه لذيذه لذيذهemoji
حشيت العجينة بمربى التين وممكن تحشونها اللي تحبون و أي مربى مفضل عندكم أو تمر أو حشوة تفاح.
وحتى ممكن تلفونها رول وتقصونها أصابع أو تقصونها دوائر وتطبقونها أنصاف .
أنصحكم تجربونها emojiemoji
.

المقادير :
‏‎٣أكواب دقيق (احتجت أقل)
اصبع زبده مذاب(١٠٠ غم)
بيالة زيت= (١/٣ كوب)
علبه زبادي (١٧٠ غم)
فانيلا
١ ملعقه صغيرة بيكنج باودر
الحشوة:
مربى التين
الطريقة:
١-نخلط الزبدة مع الزيت والزبادي والفانيلا خلط خفيف بس تندمج المكونات ..وعادي بيكون الزبادي مقطع بالخليط بس عادي يعني ماراح يختفي أو يذوب الزبادي .
٢- نضيف الدقيق بالتدريج وأضفت البيكنج باودر مع أول دفعة دقيق .
٣- اخر دفعة من الدقيق نضيفها تدريجيا حتىى نحصل على عجينة لينة متماسكة.
كل كمية الدقيق اللي احتجتها للوصفة:(كوبين ونصف وزيادة ملعقة من الدقيق)
٤- مانطول بالعجن حتى مايتكون عندنا جلوتين وعشان نحصل على فطاير بعد الخَبز هشة .
٥-بتكون العجينة كأنها مو مرتبة أو ملساء بس عادي لأنها بعد ماترتاح بتكون أفضل.
٦- اتركوها ترتاح نصف ساعة .
٧- تفرد على سطح مرشوش بالدقيق وتحشى مثل الفيديو أو أي طريقة مفضله عندكم ثم ترتب بالصينية وتخبز في فرن مجهز مسبقا على حرارة ٣٥٠ ف =١٨٠س -تحتاج تقريبا ٨لِ١٠ دقائق ثم تشقر من الأعلى لو حبيتوا .
ترش بالسكر البودرة وبالعافيةemoji

ملاحظة: ١-العجينة ممتازة وكل مافردتوها أكثر بتعطيكم فطاير
خفيفه أكثر .
٢-بنت خالي قالت لي إن الفطاير بعد خبزها ممكن تحفظ بالفريزر،، ترتبونها طبقات بعلبة وبين كل طبقة والثانية تحطون ورق شمعي وتغطون العلبة بغطاء محكم وتغلفونه نايلون عشان مايدخله هواء أبدا..وإذا احتجتوا الفطاير تطلعونها من الفريزر وتشيلون الغطاء وتتركينها يفك تجميدها .تحمون الفرن وتدخلونها دقيقة بس تسخن وبتكون كأنها توها مخبوزةemojiemoji

الوسوم: