خبيزات بالشمر والحبة السوداء من دون تخمير👌🏼😋
الخبز هذا مايأخذ وقت منكم يعني مدة تحضيره وخبزه تستغرق تقريبا نصف ساعة فقط.

ممكن يكون مثل فكرة النان : يعني بعد مايخلص تدهنونه زيت زيتون وكزبرة وثوم يممممي😋

في هذه الوصفة حبيت أضيف الشمر والحبة السوداء لأني أحب طعمهم في الخبز مع الشوربات وتقدرون تستغنون عنهن .
🌐 في المدونة الطريقة بالخطوات المصورة ارجعوا لها إذا حبيتوا👈🏼
المقادير :
(كوب + ملعقتين أكل )دقيق
١ ملعقة شاي بيكنج باودر
١ ملعقة شاي سكر ناعم
رشة ملح
١ملعقة شاي حبة البركة
١/٢ ملعقة شاي شمر
١ ملعقة طعام زيت زيتون
١ زبادي
الطريقة:
تخلط المقادير الجافة مع بعض
يضاف الزبادي وزيت الزيتون وتعجن(ممكن تحتاجون طحين أو ماء زيادة)
تبلل اليدين بالزيت لنقل العجينة على سطح مرشوش بالدقيق
تقسم العجينة لكور أصغر من البيضه ثم تفرد لأقراص
تخبزونها على الصاج أو في الفرن بس تشغلون الفرن على الحرارة العلوية على أعلى درجة ..
بعد ماتحمر تقلبونها عشان تتحمر مع كل الجهات.
أو ماتخلص ادهنوها زيت زيتون وبالصورة هذه أنا مادهنتها واحفظوها في علبة أو قدر وغطوها تلين شوي لأنها أول ماتخلص بتكون ناشفه شوي بعدين تلين ..وبالعافية ❤️