ياهلا .. من أحب البيتزات علي قلبي وخاصه مع فطور رمضان هالبيتزات الصغيرات بس ياكرهي لشغلهن متعب شوي ويحتاجن وقت لكن سويت حركه وطلعت ماهنا اسهل منه ..تعالوا معي نشوف وش هالحركة 😁..
.
بعد ماجهزت كشنه البيتزا وبردت تماما خلطت معها الفلفل البارد والزيتون وبعد ما جهزت اقراص البيتزا احط شوي من الكشنه المخلوطه وجبن مبشور وخلاص علي الفرن بصراحه طريقه سريعه بدال ما احط الكشنه اول همن فوقه زيتون همن فلفل اخضر ووو ابد اخلطهن مع بعض وارتاح حتي بعد طلعت الكشنه اطعم والذ 👌.. .
وتعالي معي اعلمك علي طريقتي بكشنه البيتزا والسر اللذيذ معها .. .
طريقة كشنة البيتزا .. نحمس بصل وثوم مع زيت + طماط + شوي صلصله طماط + ملح كركم+ بهارات مشكله + بهارات ايطاليه +اوريجانو + شوي كتشب اذا حابين + فلفل احمر بارد وهذا سررر الكشنه يعطيها طعم ولوووون .. طبعا بعد مانحمسهم ززين نخلطهم بالخلاط ونتركه يبرد تماما واحط عليه الزيتون والفلفل الاخضر البارد واذا حابين فطر .. .
وبالمره حتي تستفيدون من هالبوست نعيد طريقتي بعجينه الزبادي بس بكمية قليلة تكفي لمقدار بيتزا ..
.
طريقة العجينه ..
بالخلاط .. علبه زبادي دافئه + بياله ماء دافي وليس حار + ملعقه صغيره مليانه خميره + ملعقه صغيره سكر + نص بياله زيت وبعد مانخلطهم زززززين + كوبين ونص دقيق او حتي تتكون عجينه لينه شوي .. وبعد ماتخمر العجينه نشكلها وبالعافيه عليكم ❤️