معمول العيد كان بطريقه معمول الكيري وسبق ونزلت الطريقه لكن بعد التجارب 😅 حبيت مقاديري الجديده وصار ألذذذذ وأضبط 👌.. و سويته بثلاث نكهات وطلع ررروعه .. طبعا نفس العجينه لكن قسمتها ثلاث اقسام وكل قسم حطيت له نكهه تعرفوني احب الشي السهل والسريع .. .
الطريقة .. معمول الكيري ( بعد التعديل ) .. نخلط .. اصبعين زبده وزن الواحد ١٠٠ غرام + ربع كاس سكر مطحون وبعد ما ينخلط زين + ٦ حبات جبن كيري + كوبين ونص طحين ونخلطهم زين( العجينه مافيها خميره ولا بكنج بودر ) ونتركها ترتاح شوي بمكان بارد .. بعدها نقسمها لثلاث اقسام متساويه وكل قسم بصحن عميق .. .
القسم الاول وكان هو الاطعم وانصدمت من لذته وريحته ( معمول الزعفران والهيل ) .. طبعا نجهز منقوع الزعفران ( شوي زعفران مع ماء دافئ) ونتركه شوي وبعدها نخلطه مع العجينه + رشه هيل مطحون ونعجنهم رززين ونحشي المعمول بالتمر ونشكله ونصفه بالصينيه ..
.. القسم الثاني ( معمول الفستق ) .. نخلط مع العجينه فستق مطحون وبعد مانخلطهم زين ونحشيه بالتمر وندحرجه بعد بالفستق ونشكله ونصفه بالصينيه ..
..
القسم الثالث ( معمول ساده لكن خلطت معه بهارات المعمول ) واحب استخدم بهارات المعمول من اسناد 👌 نحشيه بالتمر ونشكله ونصفه بالصينيه ..
.
👈 الافضل كل نكهه شكل من القوالب 👈 ندخله الفرن والحراره من تحت وفوق ومايطول حتي مايتشقق ..
👈 اول مايطلع من الفرن نتركه شوي وعقبها نحفظه بعلبه واذا برد تماما نحفظه بالثلاجه اسبوع وبالفريزر شهر وممكن اكثر مايتغير 👈 كل مابغيتي تتقهوين منه طلعي احتياجك منه بصحن قبل القهوه بشوي ..
👈 عند تشكيل المعمول الافضل تلبسين القالب ببلاستيك ( تغليف الساندوتش ) وبعدها تكبيسن المعمول يطلع معك بكل سهوله .. لتوضيح حركي الصوره ياجميلة والف عافيه عليكم .