ياهلا وسهلا .. لاتفوتكم بسبوسة الوطنية🇸🇦كانت بسبوسة فستق مع مهلبية بنكهه ماء الورد ومع رشه فستق .. ممممم ياسلام على الطعم وتمازج النكهات من جد كانت طعيمة حتي آخر قطعة ..
.
الطريقة ..
اولاً / علبة القشطه مثل التاج هي المقياس لكل المقادير ..
نخلط بالترتيب ..
_ ٢ بيض
_ علبة قشطه
_ علبة سكر
_ ملعقة صغيرة فانيلا

نخلط لمدة دقيقة حتي يصبح الخليط كريمي
بعدها نضيف ..
_ ظرف كريم كراميل
_ علبه زيت
_ علبتين سميد
_ علبه جوزهند
_ علبه حليب بودره
_نص علبه فستق مطحون وممكن اكثر حسب رغبتكم
_ ملعقه كبيره بكنج بودر
_ اذا حسيتوا الخليط ثقيل اضيفوا فنجال ماء
بعد مانخطهم ززين نصب خليط البسبوسه بالقالب وندخلها الفرن علي حراره وسط من فوق وتحت حتى تستوي .. اول ماتطلع من الفرن اسقيها ربع علبه كبيرة حليب مكثف محلى وعلطووول اغطيها حتى تتشرب الحليب وتطلع طررريه 👌وبهالوقت اتركها على جنب واسوي خلطه المهلبيه ..
…………
طريقة المهلبية .. في قدر صغير / ٢ ظرف مهلبية ( استخدمت مهلبية فورستر كلاركس ) + ٣ اكواب ماء + ٦ ملاعق كبيرة حليب بودره نخلطهم زين وبعدها علي النار حتي تثقل المهلبيه واخر شي + قشطه طازجه او قيمر + وممكن تزيدون شوي سكر اذا حابين بس لاتكثرون لان ظروف المهلبيه فيها سكر وفيها نكهه الورد .. بعدها نصب المهلبيه علي البسبوسة وندخلها الثلاجه والافضل قبل ليلة حتي تبرد صح 👌 حلاتها باااارده .. وعند التقديم نرش عليها فستق والف عافيه عليكم ❤️.