مبارك عليكم العشر الفضيلة وبما إن الناس اغلبهم صايمين الله يقبل منهم حبيت انزل لكم هالفطاير اللي حشوتها مرره طعيمة ( قوارب بخلطة الاجبان ) صززز والله الحشوه لذيذه 👌.
.
الحشوة .. نخلط جبن ابيض مالح + جبن تشدر مبشور بكميات متساويه + شوي بقدونس مفروم واخر شي نفقش عليهم بيضه نيه ( وهذا هو سررر لذاذه هالحشوه ) ونهرسهم زززين بالشوكه حتي تمتزج كل مكونات الحشوه ..
.
العجينة .. بالخلاط نص كوب ماء دافي مذاب فيه ملعقه كبيره خميره + فنجال زيت + فنجال حليب بودرة + فنجال سكر( او نص فنجال سكر حسب رغبتكم لانها بتكون حاليه شوي ) ونخلطها زززين وبعد كيذا نعجن معها كاسين دقيق وممكن اكثر شوي حتي تكون عجينه متماسكه ونخليها تخمر نص ساعه او اكثر .. ومن اسرار نجاح العجينه عندي اني اخلط السوائل بخلاط واطول عليها بالخلط حتي تمتزج صح والسر الثاني ماتكون العجينه قاسيه او قريبه للقساوه لانها بتعطي اكيد فطاير قاسيه خلوها اقرب لليونه 👌 طبعا بعد ما خمرت العجينه نفردها ويكون سمكها وسط ونقصصها دواير مثل البيتزا ونحط الحشوه بالوسط ونقفل الطرف الاول زين حتي ماينفتح بالفرن ونفس الشي مع الطرف الثاني ونخلي الوسط مفتوح واخر شي نصفها بالصينيه وندهنها بالبيض وبالفرن من تحت وفوق .. والف عافيه علي قلوبكم ولاتنسوني من دعائكم بهالايام الفضيلة ❤️ ..