ياهلا .. اليوم طريقتي مقلوبة الدجاج بالخضار سهلة وصحية لان الخضار من غير قلي .. ويازين هالمقلوبة مع لبن 👌😆 لسحور برمضان ربي يبلغنا علي خير 😍.. .
الطريقة .. ضروري بهالوصفه نستخدم قدر التيفال حتي اذا قلبنا المقلوبه تنزل كلها .. ولان الطريقه سريعة نحمس البصل والثوم والطماط والفلفل الرومي الاحمر او الاخضر كلهن مرة وحدة مع بهارات وكركم وملح وصلصة وبعد خمس دقايق ننزل الدجاج اللي مقطعينه كم قطعه طبعا مع العظم ونحط معه تقريبا كوب ماء ونتركه يطبخ ويتسبك من عشر دقايق لربع ساعه وبعدها ننزل عليه الخضار اللي تحبون طبعا مقطعينها حلقات ونقلبها شوي مع حمسه الدجاج وايضا نخليها تطبخ عشر دقايق .. همن بقدر ثاني نحط الرز مع ماء مغلي وملح وزيت وبهارات بيضاء ونسلقه نص استواء يعني مانخلي الرز يستوي تماماً .. بعد كيذا نشخل الرز من الماء الزايد ونحطه فوق خلطه الدجاج والخضار وننغز حبحر حار فوق الرز ونسكر الغطاء زين ونقصر علي النار اقصر شي ونخليه يستوي علي راحته يعني نص ساعه او اكثر شوي وبعد كيذا نشوف الرز إذا مازال قاسي ممكن نسقي علي الوجه شوي ماء ونخليه يطبخ زياده .. وهمن عاد اقلبوها وانقلبوا معها هههههه 😂 اقصد استمتعوا باخف والذ مقلوبة وياعساها مهابيط العافية علي قلوبكم ❤️