اللّهُـمَّ ما أَصْبَـَحَ بي مِـنْ نِعْـمَةٍ أَو بِأَحَـدٍ مِـنْ خَلْـقِك ، فَمِـنْكَ وَحْـدَكَ لا شريكَ لَـك ، فَلَـكَ الْحَمْـدُ وَلَـكَ الشُّكْـر .. 🍃 من قالها حين يصبح أدى شكر يومه .. .
ياصباح الخير علي وجيه الخير 🍃 .. انا احب شي اسمه ساندوتش الحلوم وكنت دايما اطلبها من الكفيات اذا كنت طالعه .. بس بصراحه صرت اتمقل واشوف وش هم حاطين به 🤣 هههههه لقافه مفيدة وعاد توصلت لطريقة لذذيذه 👌.. .
اول شي نقطع الحلوم لشرايح ونغسله او ننقعه بالماء خمس دقايق حتي يخف الملح منه .. وبعدها نجففه من الماء .. .
انا استخدمت ساندوتش البانيني واخذته من مخبز الفرسان او ممكن تستخدمون التوست او حتي صامولي اي شي متوفر عندكم .. .
ندهن السلندوتش بمسحة خفيفة من الجبن السايل + نصف شرايح الحلوم + اوراق نعناع + رشه زعتر + معجون زيتون او شرايح زيتون + واذا حابين شرايح طماط براحتكم وبعد كيذا نحمصها بالحماصة ونخليها تتحمص بقوه حتي يذوب الحلوم زين .. وافضل تاكلونها اول ماتتحمص حتي يكون الحلوم ذااايب يعني من الحماصه للمعدة علي طول 😂 ومع كوب كابتشينو ولا شاهي بنعناع ياسلاااام 🍃👌.. من جد لاتفوتكم هالطريقه سهله وبسيطه .