السلام عليكم ورحمة الله وبركاته 💙
وظهريه جميله للجميع 😍

من لزم الصلاة على النبيّ كُفي همّه وغُفر ذنبه، اللهٌم صلِ وسلم عليه 💙
٠
٠
@mnooksa
غدانا كان رز مشخول استعملت ملك الارز عنبر
يجيك كيس اخضر مو خيشه 😁
اول شي اغسله وبعدها انقعه بماء عادي نص ساعه
اسلقه بماء وزيت لحد مااشوف الحبه شوي لييّنه واشخله بمشخال وارجعه للقدر ..
الكشنه اللي هي اللي فوق الرز
بصل مقطع صغير مع جزر مبشور وعالنار بس يذبلون اضيف لهم بزار (كمون وشوية قرفه وليمون اسود مطحون ) وعالرز من فوق ورشيت عليه شوية زعفران وفلفل حار واتركه على نار هاديه ربع ساعه .
٠
@mnooksa
الايدام سويت باميا
بدون لحم وبدون بطاطس
اول شي اغسلها واسلقها .. على بال ماتستوي
اكون مسويه كشنه اللي هي بصل مفروم محموس مع ثوم بس يذبل اضيف له طماطم مفرومه مع فلفل رومي واخليهم يتسبّكون اخر شي اضفت ملح كمون فلفل اسود .. وماجي مسويته قبل 😁
٠
@mnooksa
الدجاج اغسله واسلقه مع بصل وجزره يشيل الزفره منه .. بس يستوي اكون مسويه هالخلطه في مقلى شوية ماء مع زعفران وملح وكمون وفلفل اسود وبابريكا وكركم واذا حابه شوية صلصه ادهن فيه الدجاج واحمرها اما فوق الفرن او اذا حابه شوايه او بالجهاز الهوائي
وبالعافيه 💙