كل عام وأنتم إلى الله أقرب وفي حياتكم أسعد، أسأل الله أن يبلغكم ما تتمنون 🌿
….
معمول عيدنا هالسنة ( معمول السميد ) طعم ولذذذيذ بقوة كأنه معمول جاهز تبارك الله .. بس يحتاج دقه بالمقادير حتى يضبط معك👌
🌿 الطريقة : ( استخدمي الاكواب المعيارية )
نخلط بالترتيب :
~ اصبع زبده وزن ١٠٠ غرام بحراره الغرفه
~ ٢ ملعقه كبيرة سكر بودرة وممكن اقل حسب رغبتكم
~ ربع ملعقه صغيرة بهار معمول ( انا استخدم إسناد روووعه)
وبعد ماتتجانس الزبدة والسكر نضيف
~ ثلاث ارباع كوب طحين
~ نص كوب سميد ناعم جدا ( سميد فرخه)
~ ٣٠ مل او ثمن الكوب حليب سايل مثل بوني او ابو قوس وممكن تحتاجون اكثر شوي
~ مجرد ماتلتم العجينة نوقف عجن والعجينه ماتكون قاسيه مرة ولا لينه مرة تكون وسط .. نغطيها ونتركها بالثلاجه تبرد شوي
🌿 بعد مابردت العجينه اشكلها كور واحشيها تمر لكن ما اكثر من التمر حتى مايتشقق المعمول يعني تكون الحشوة مناسبه للقالب .
🌿 ادخل المعمول لفرن مسخن مسبقا يكون حار تقريبا ١٨٠_٢٠٠ من تحت وفوق لمدة عشر دقايق او ربع ساعه مانطول بخبز المعمول حتي مايتشقق من فوق ..
🌿 بعد مايبرد نرشه بالسكر البودرة ونحفظه بعلبة ..
🌿 مقدار المعمول هذا صغير ويناسب العوائل الصغيرة ممكن تضاعفين المقدار مثلا اذا عائله اكبر تستخدمين اصبعين زبده وتضاعفين مقدار الطحين والسميد وووو يعني لكل اصبع زبده مقادير خاصه فيه وانتي ضاعفي الكميه حسب رغبتك لو حتي خمس اصابع زبدة 🙈
الف عافية عليكم 🌿
#وصفات_نورة_الوهيبي