عصير عرايسي 🍹
بارد وصحي ومنعش وممكن يأخذ بديل وجبه وينفع الي يبون يزيدون وزنهم بطريقه صحيه يعطي طاقه وحيويه ولذيذ🤤👌
١/في كاس الخلاط نحتاج ربع كيس المنحا المثلجه او كيس صغير من اللي فيها ٤اكياس كاسين حليب طازج موزه ثلاث ملاعق جوز هند ثلاث ملاعق لوز شرائح ثلاث ملاعق عسل طبيعي ٦تمرات منزوعه النوى شوي فانيلا سايله اخلط لما اتأكد ان كل المكونات انخلطت ثم اضيف له الثلج وارجع اخلط
٢/في كاس التقديم اضع للزينه شوي شراب التوت ثم اصب العصير عليه ويقدم بالعافيه صحي ولذيذ وينفع للاطفال اللي يعانون من ضعف البنيه الجسميه
ملاحضه /جوز الهند واللوز او المكسرات اللي تفضلون ممكن تتركونهم على الوجه للزينه بدال ماتخلطونهم مع العصير عادي
بعض الناس يقطع فواكه قطع صغيره ويضيفها للعصير بس احس مره يطلع ثقيل وماحبيته بس اذا حابين ضيفوا له قطع
فواكه براحتكم بعض الناس تضيف له حلاوه طحينيه عشان يعطي طاقه اكثر بس انا ما احب اضيف له وبعضهم يضيف له الزبيب والكاجو والفستق على الوجه شوفوا اللي يناسبكم انا يناسبني نفس طريقتي اللي كتبتها فوق وكل مازدتي شيء زادت السعرات العصير بدون زيادات عالي بالسعرات ☺️🤭

#وصفات توتا

• و قد تهتمين ايضا بـ

  و هنا تستمتعين بافضل المشروبات اللذيذة

  بالاضافة الى ذلك، يمكنك هنا تعلم افضل المقبلات

  و ايضا يمكنك هنا مشاهدة افضل وصفات السلطات

  قسم الموضة مجلة كويتيات

  قسم الام و الطفل

  جمالك في مجلة كويتيات

  صحة مجلة كويتيات قسم يقدم لكم العديد من النصائح الصحي و الغذائية