بيتزا بصلصلة الرانش 🍕 .. –

اولاً : نشوح صدور دجاج بزبده وشوي زيت ونبهرهم ب ببريكا واوريقانو وفلفل اسود وثوم بودره وشوي ملح بعدها نرفعهم على جمب.
ثانياً العجينه عباره عن :
ثلاث اكواب دقيق + ملعقتين صغيره سكر + ملعقه وربع صغيره ملح + ملعقتين طعام دقيق الذره + ربع ملعقه صغيره بودرة ثوم + ربع ملعقه صغيره بودرة بصل + ملعقتين طعام زيت زيتون + ثلاث ملاعق حليب بودرة + ملعقة صغيره باكنغ باودر + ملعقتين طعام خميره + كوب وثلث ماء . –
الطريقه : نخلط الماء والملح والسكر والخميره وزيت الزيتون ب زبديه وسط ،
ونخلط المقادير الجافه سوا ، بعدين نخلط كل المكونات سوا ونعجنهم تقريباً 10 دقايق مستمره ، نغطيها ونتركها تتخمر 45 د ، –
صلصلة الزبده : نص اصبع زبده + خمس فصوص ثوم مفروم +اوريقانو + ريحان مجفف ، + اوريقانو ، نحركهم على نار هاديه لحد ماتبان ريحة الاعشاب ونقفل النار ونخليها على جمب . –
نفرد العجينه ونحطها بالصينيه ونخرمها بالشوكه بكل مكان + نمسح الوجه بالزبده الي سويناها زين زين وندخلها فرن مسبق التشغيل من تحت على حراره عاليه تقريباً 7 دقايق بس تشقير خفييييف ، نطلع العجينه ونرجع ندهنها بشوي من الزبده نفسها ونحط ثلاث ملاعق كبيره صلصة رانش و جبن موزاريلا و فلفل رومي والدجاج وهالبينو اذا حابين ونرشها بشوي اوريقانو وجبن قشقوان اضافي مو ضروري ، ونرجعها للفرن لحد ماتتشقر وتستوي زين ، وبالعافيه 🍕🔥

• تهتمين ايضا بـ

  و هنا تستمتعين بافضل المشروبات اللذيذة

  بالاضافة الى ذلك، يمكنك هنا تعلم افضل المقبلات

  و ايضا يمكنك هنا مشاهدة افضل وصفات السلطات

  قسم الموضة مجلة كويتيات

  قسم الام و الطفل

  جمالك في مجلة كويتيات

  صحة مجلة كويتيات قسم يقدم لكم العديد من النصائح الصحي و الغذا