ياهلا.. (كبسه روبيان بالشبت 🌿) ..
الطريقة .. بقدر نحمس بصل وثوم مع شوي زيت بعدها + طماط + صلصله طماط + ملح وكركم وبهارات ونكون كريمين شوي بالصلصله والبهارات 😅👌 بعد ماتسبكت الكشنه شوي + الروبيان المنظف والمغسول ونقلبه مع الكشنه + شوي ماء ونترك الروبيان حتي يستوي .. عموما مايطول .. واخر شي + نص حزمه شبت 🌿هو اساس اللذاذة بهالوصفه .. والحين الروبيان صار جاهز نتركه علي جنب ( ضروري تكون كشنه الروبيان رطبه فيها شوي ماء ماتكون ناشفه لانها بتطبخ مع الرز مره ثانيه ) ..
..
بقدر ثاني نسلق رز مع ماء + زيت + ملح + بهارات بيضاء ونتركه يستوي نص استواء ..ونتركه علي جنب ..
..
بعدها بقدر نسوي طبقات من الرز وكشنه الروبيان بمعنى نحط بقاع القدر شوي رز وفوقها شوي من كشنه الروبيان وبعدها رز وهكذا حتي ينتهي كل المقدار واخري شي ننغز حبيحرات 🌶 ونغطي القدر ونتركه علي نار هاااديه حتي يستوي الرز .. واذا الرز احتاج ماء ممكن نرش عليه رشه بسيطة من الماء .. والف عافيه عليكم ❤️ #وصفات_نورة_الوهيبي

لاضافة الى ذلك، يمكنك هنا تعلم افضل المقبلات

• • و ايضا يمكنك هنا مشاهدة افضل وصفات السلطات

    قسم الموضة مجلة كويتيات

    قسم الام و الطفل

    جمالك في مجلة كويتيات

  صحة مجلة كويتيات

• قسم يقدم لكم النصائح الصحية والغذائى