حوتة معمرة فالفرن

حوتة او سمكة خاصة بالفرن ( حجم كبير)
باقة من القزبور و المعدنوس مقطع ناعم
ثوم مفروم (الكمية على حسب حجم السمك نحاولو منكتروش المقادير باش نحافظو على الطعم ديال السمك )
بابريكا ، فلفل اسود ، ملح ، سكنجبير ،كمون ، ورق الغار (سيدنا موسى ) اختياري
القليل من مركز الطماطم
الزيت بنوعيه (كمية وفيرة )
صلصة الطماطم الجاهزة او طماطم محكوكة
كمية وفيرة من عصير الحامض
نخلطو المكونات حتى نحصلو على شرمولة، نفلحو السمك ونشرملوه مزيان بين الفتحات من الداخل (من الأحسن نخليوه ساعة اتشرب الشرمولة)
كمية من الشعرية الصينية مرقدة فالماء المغلي نصفيوها و نقطعوها فالمقص نضيفو ليها ملعقتين من التتبيلة و زيتون اخضر دوائر و ملعقة هريسة و نعمرو بيها الحوتة ديالنا و نتبتو الجوانب بعويدات الخشب باش متخرج لينا الحشوة.
الخضر حسب الذوق و المتوفر ولكن فالغالب كنديرو البطاطس، الجزر دوائر، الفلفل ،الزيتون ، دوائرالحامض ، دوائر من الطماطم (ممكن نطيبو البطاطس و الجزر نصف طهو باش نسرعو الطياب فالفران )
ملاحظة:الشرمولة المتبقية كنزيدوها على صلصة الطماطم و كنسقيو بيها الخضر باش تجي بنينا .
نغلفو الطاوة بورق الألمنيوم و ندخلوها مدة ساعة لفرن متوسط الحرارة و بالصحة والراحة 🌹

نقلا عن _cooking_with_najoua

الاضافة الى ذلك، يمكنك هنا تعلم افضل المقبلات

• • و ايضا يمكنك هنا مشاهدة افضل وصفات السلطات

    قسم الموضة مجلة كويتيات

    قسم الام و الطفل

    جمالك في مجلة كويتيات

  صحة مجلة كويتيات

• قسم يقدم لكم النصائح الصحية والغذائي