pan_cake111
مفلق الربيان 🦐
چيلة ونص مفلق الافضل تستخدمون المحمص لان في نوعين عادي و محمص
ربيان منظف ومغسول
حبة بصل كبير حبة طماطم ك اشوي فليفله مقطع ناعم
٤ فصوص ثوم مبشور ناعم
في قدر نضيف شوي زيت ونقلب البصل حتى يذبل وبعدين الفليفله ونقلبها اشوي مع البصل وبعدين نضيف الثوم ونقلبه لين تطلع ريحته ونضيف معجون الطماطم تقريبا ملعقتين كبيره ثم نضيف الطماط والبهارات( بهارات مشكله ، كركم ، بابريكا ، ليمون اسود ، كزبره ناشفه ، كمون ،فلفل اسود) ونضيف الربيان ونحمسها اشوي ونصب كميه من الماء المغلي تناسب كمية المفلق ونحط البهارات العدله ( هيل ، مسمار ، ورق غار ، دارسين ، ليمون اسود) والملح ونغطي القدر ربع ساعه تقريبا لان الربيان مايحتاج طبخ كثير ونضيف المفلق بعد ما نظفته وغسلته ونخليها في البدايه ع حراره عاليه لين يشرب المفلق الماء وتطلع الحفر من فوق نقصر عليه ونقطيه بالقصدير ونخليه ع حراره هاديه لين ينشف ويقدم مع رشة من دهن بوكرسي ويزين بالبيض المسلوق والكزبره وبالف عافيه💕
ملاحظه: ممكن استبدال الربيان بالدجاج او اللحم،، طبخ المفلق مثل الرز اهم شي الماء يغطي المغلق انا احبه يكون لين اشوي فا ازيد كمية الماء اشوي …

الاضافة الى ذلك، يمكنك هنا تعلم افضل المقبلات

• • و ايضا يمكنك هنا مشاهدة افضل وصفات السلطات

    قسم الموضة مجلة كويتيات

    قسم الام و الطفل

    جمالك في مجلة كويتيات

  صحة مجلة كويتيات

• قسم يقدم لكم النصائح الصحية والغذائي