محبوس دجاج .
المقادير :
.
٦ اكواب عيش “رز”
دجاجتين
حبة بصل وسط مفرومة
حبتين بصل وسط مقطعين كبار
.
بهارات عدلة :
هيل ، ورق غار ، مسمار
نجمة الينسون ، فلفل اسود حب
.
نص ملعقة كركم
نص ملعقة فلفل اسود
نص ملعقة كمون
ملعقة بهارات مجبوس دجاج
ملعقتين ملح
ملعقتين منقوع الزعفران
.
الطريقة :
.
نحط ماي بجدر كبير و نخليه يغلي و نضيف عليه قطع البصل و بعده الدجاج و نخليه ٥ دقايق ونشيل الطبقة البيضة الي بالماي بعدها نضيف البهارات العدلة و و باجي البهارات و الملح و نغطي الجدر و نخليه ٤٥ دقيقة على نار عالية .
نشيل الدجاج من الماي و ندهنه بشوية منقوع الزعفران من الصوبين و ندخله الفرن لمدة ١٥ دقيقة من فوق و تحت على حرارة ١٨٠ درجة .
بجدر ثاني نحمس البصل و نضيف عليه ملعقة صغيرة بهار مجبوس الدجاج و نضيف فوقه العيش و نحركه شوي و بعدها نضيف ماي من مرقة الدجاج “كمية الماي ١ سانتي فوق مستوى العيش”
و نخليه ١٥ دقيقة على نار عالية بعدها نقصر على النار و نخليه ١٥ دقيقة بعدها نضيف عليه شوية منقوع الزعفران
.
ملاحظة :
منقوع الزعفران = ماي ورد و شوية زعفران و شوي زعفران بودرة
.
و عليكم بالعافية
.
.