كيكه التوفي
كاس بسكويت مطحون
كاس حليب بودره
٤ بيضات
ملعقه صغيره باكنج باودر
فانيلا
نصف كاس سكر
علبه قشطه
نصف كاس زبد ١٠٠ غرام
فنجان ماء
التوفي
ملعقه زبد
كاس سكر
قشطه ( تكون دافئه منقوعه في ماي حار )
ربع كاس ماء
الطريقه يحمر البسكويت + الحليب البودره
على نار هادئه لين يصير لونه ذهبي ( انتبهي لايحترق مجرد يتغير لونه شوي مع التحريك المستمر )
ونحط فوقهم الباكنج باودر ونحطه ع جنب
في اناء ثاني
احط البيض + السكر + الفانيلا ونخلط الى ان يذوب السكر ثم نضع القشطه والزبد ويخلط ثم نضيف خليط البسكويت و نخلطه جيدا
نضعه في صينيه مدهونه ( الكميه قليله توضع في صينيه صغيره اذا تحبين تكون سميكه ) بس انا حطيتها هنا في صينيه كبيره لان ابغيها كميه 😁
توصع في الفرن ع نار هادئه ومجرد ماتنضج نطلعها
نسوي التوفي
طريقه التوفي :
نحط السكر والماء والزبد ونحرك الى ان يصبح لونه ذهبي ونطفى النار ونضع القشطه ونحرك بسرعه ( القشطه لازم تكون دافيه ( منقوعه في ماء حار ) والا يتكتل الخليط
نضع خليط التوفي على الكيكه
ونضعه في الثلاجه الى يجمد
تقطع وتزين بما تحبين و بالعافيه 😊
ملاحظه: سمعت ان الحليب بودره المحموس مو زين بس مادري مدى صحه المعلومه .. بس قلت مره في السنه ماياثر 😆 والله اعلم