حلا طبقات الكريم كراميل

المقادير
بكت بسكوت شاي
2كأس ونصف ماء
10ملاعق كبيره حليب بودره
4بكت كريم كراميل
1قشطه
سكر
ملعقه صغيره نسكافيه
3حليب شكولاته السائل زي المراعي وصافيو و….. للتزيين …شكولاته النوتيلا

الطريقه :
اولا : احضري صينيه تشيز كيك متحركة الجوانب وسط رصي في القاع
طبقتين او ثلاث بسكوت شاي جاف(بدون ماتشربينه بحليب)
ثانيا.. نضع على النار (كاسين كبيره ونص ماء و 10 ملاعق حليب بودره,)
أول مايبدابالغليان أضيفي 2 ظرف الكريم كراميل وخليه يغلي شوي مع التحريك
وسكري النار ,بسرعه حطي بالخلاط باكيت كامل بسكويت شاي اللي حجمه صغير وإذا ماعندك عادي حطي ثلاث ارباع الكبير ,وحطي عليه علبة قشطه وفنجان قهوه سكر وملعقه صغيره نسكافيه و(كريم الكراميل اللي سويتيه حطيه مع المقادير بالخلاط وهو حار) إخلطيهم زين
ثم اسكبي اللي بالخلاط على البسكويت اللي بالصينيه ودخليه الفريزر (ربع ساعه) وبعد ربع ساعه إذا تأكدتي إنه تجمدعلى طول سوي كريم كراميل ثاني بس هالمره بحليب الشوكولاته الجاهز
حطي 3حبات حليب شكولاته على النار واول مايغلي اضيفي له 2م كبيره سكر ويمكن اكثر شوي (حتى تحصلي على طعم حلو)وأضيفي له 2 كريم كراميل وخليه يغلي شوي وخذيه وصبيه فوق الطبقه
الاولى ودخليه الثلاجه حتى يبرد ويتماسك

ثم زينيه بشكولاته النوتيلا ..تأخذين كيس وتضعين فيه 3ملاعق كبيره نوتيلا ثم تربطينه ثم تثقبينه ثقب صغير ثم تزينين به الحلا بشكل عشوائي
ويقدم بارد