كابلي اللحم او الدجاج
لايك ❤ اذا عجبتكم الوصفة
البهارات الصحيحه:
عدد 4 اعواد قرفه(دارسين)_ حبات من الهيل حسب الرغبه العدد
7 حبات قرنفل(مسمار) _قطعة خولنجان سر طعم الطبخات الحجازيه
حبات من الفلفل الأسود _ ورقتين غار
حسب الرغبه لحم غنم اللي تحبوه اولحم دجاج بس الافضل لحم غنم يطلع طعمها روعه
عصير 3 حبات طماطم
رز حسب عدد الأشخاص ويكون نوعه(مزهـ) انا استعملت رز الوليمه
وافضل.. من العنبر او البسمتي

3 حبات بصل متوسط الحجم مقطع جوانج
3 حبات ثوم مفرومه
ونجي لسرطعم الرزالكابلي!!
مبشور قشر حبة برتقال
وماء الكادي هو الاصل في الكابلي للامانه

فلفل حاراختياري
2 ملعقه صلصله
أول خطوهـ
نحمر البهارات الصحيحه
في الزيت الطعم يطلع الذ من وضعهم فوق البصل واللحم

وبعد شوي نضيف
البصل والثوم ويتشوح لماااا يصير لونه أشقر

ونضيف ملعقة من البهارات المطحونه ومبشور البرتقال ويترك يتحمر

نضيف الطماطم والملح والصلصة ونخلية يتسبك شويتين بعدها نضيف ماء مغلي الي يكفي لاستواء اللحم وبعدها نضيف مكعبات كبيرة من البطاطس

الرز يسلق مع البهارات الصحيحه ويتصفى وبعد استواء اللحم يوضع عليه اول شي ناخذ ملعقتين رز ونخلطها بالخلطه وبعد كذا نكبس الرز ونضع لون صفار الزعفران على جهة وملعقتين كادي على جهه اخرى ونغرس فيه الفلفل وعلى نار هااادية
في هذا الوقت نحمر الزبيب والصنوبر

بعد مايستوي الرز الكابلي
يغرف في صحن ويقلب قلب مثل طريقة المقلوبه ويزيين بالصنوبر والزبيب وقطع الليمون والخيار

الرز يطلع فيه 3 الوان ابيض واصفر واحمر