قرصان الديره بطريقتي

تختلف طرق عمل القرصان من منطقه لاخرى منهم من يكتفي بدقيق وماء وملح ومنهم من يضيف الزيت والحليب والخميره وكل واحد له طريقته اهم شي النتيجه قريبه من بعض وهذي الطريقه طريقتي.
اربع كاسات دقيق بر _ كاس دقيق ابيض _ ثلاث كاسات ماء _ ملعقة طعام خميره فوريه _ ملعقة طعام سكر _ ربع كاس زيت زيتون اوزبده سايحه _ ملعقتين حليب بودره _ ملعقه صغيره ملح اوحسب الرغبه _ رشة حبه سوداء وشمر وسمسم وقليل من الريحان المجفف

الطريقه

ذوبي الخميره في الماء وضيفي باقي المقادير ماعدا الدقيق والملح وقلبي جيدا ثم ضيفي الدقيق والملح بالتدريج واعجني لعشر دقائق لما يصير عندك عجينه ثقيله شبه سايله يعني لما ترفعيها فوق تنزل ببطء وهذا قوام عجينة القرصان وغطيها وخليها تخمر ساعه.
قربي شبك الفرن من الشعله الي فوق وسخني الفرن من فوق وسخني صاج مسطح على نار متوسطه واول ماتحطيه على النار خذي مقدار قبضة اليد من العجينه وافرديها على الصاج مع تبليل يدك بالماء كلما احتجت وافرد العجينه اما بشكل دائري اوبشكل طولي واول ماتتحمر من تحت حطيها فوق شبك الفرن واتركيها لما تتحمر من فوق ويقدم هذا النوع من الخبز مع السمن والعسل اويفتت معها اويقدم مع الخلاصه وبالعافيه
خذي من العجينه قدر الحاجه والباقي ضعيها بالثلاجه
ممكن تخففي الخميره لملعقه صغيره وتزيدي فترة اختمارها لساعه ونص وتستخدم