- 41
- 0
- الخميس, 25 يناير, 2018 - 1 , مساءً
- التقييم:
الطريقة و المقادير
الكنافة الكزابة 😍
طيبة كتير وسهلة
لخليط الكنافة بنحتاج سمنة وزيت وخبز توست او فينو من 8 ل 9 قطع غير طازجة يعني نشتريها قبل يوم او يومين ونتركها نضربه بالخلاط ليسير ناعم ونحطهم بصحن ونخلطهم بالسمنة والزيت وممكن سمن لوحدو حسب ما تحبو .. (بنضيف سمنة وزيت حيث لو مسكنا قليل من الخليط وضغطنا عليه بين ايدينا متل اصبع الكفتة يكون متماسك)
ناخد قسم من العجين ونكبسها بصينية بايريكس المقاس الكبير مدهونة بسمنة ثم نحضر القشطة عبارة عن 2 كوب حليب ونصف كوب سميد وفانيلا ورشة سكر على الغاز مع التحريك حتى الغليان وبس تغلي بنطفي النار وبنضيف علبة قشطة وازا حابين تمغط معكم ممكن نضيف جبنة موزاريلا لكن مو ضروري وبنخلطهم وبنضيفها ع طبقة الكنافة ثم نضيف باقي خليط الكنافة ونضغط عليه قليلا ونخبزها ع 180 لمدة ثلث ل نص ساعة ونحمرها من الوجه وبنطلعها وبسكين نتأكد من الحواف مو ماسكين بالصينية ونقلبها ونضع مباشرة القطر البارد ( هذا المقدار يجتاج لقطر معيار 2 كوب سكر لكوب ماء ) وياريت نحمرها منيح وطعمها رائع ورح تضل في قرشة طيبة كتير حتى وهي باردة وممكن نضيف صبغة لنعطيها لون احمر ❤
