عجينة العشر دقائق 👍
عجينة حلوة كتييير للمعجنات المالحة والحلوة وطريقتها سهلة ورح احكيلكم سر بيساعد يخليها أطرى ولونها ابيض حلو 😍

الطريقة
في وعاء نضع 2 كوب طحين . 2 كوب ماء دافىء. 2 ملعقة كبيرة سكر .2 ملعقة كبيرة خميرة .ملعقة صغيرة ملح نخلطهم بالمضرب الشبكي لحتى تدوب كل التكتلات رح تحصلي على قوام سائل ونغطيها لمدة عشر دقائق .. بعد عشر دقائق نضيف 3 كوب طحين . 2 ملعقة كبيرة حليب بودرة . ربع كوب زيت ونعجنها طبعا حسب نوع الطحين ممكن هيك كفاية وممكن تكون طرية رح تزيدي عليها من كوب لغاية 2 كوب حسب نوع طحين ..طبعا اول مرة بتعمليها ضيفي الطحين بالتدريج لحتى تعرفي بالزبط قديه بتحتاجي(عند اضافة الطحين بالمرحلة الثانية يفضل اضافته بالتدريج وننتبه انو قوام للعجينة يكون طري بحيث ما يلزق بالايدين ازا وصلتي لهاي المرحلة ما تزودي طحين ) في مرحلة العجن نضيف م.ك ونص من الخل الابيض رح يخليه العجينة تبقى طرية حتى بعد الخبز بيوم او يومين ولونها ابيض ناصع وازا كنتي عم تستخدميها لعمل معجنات حلوة قللي الملح واستبدلي الخل بباكيت دريم ويب رح تعطيها طعم وطراوة وريحة بتجنن 😍 .. بعد ما تصير عجينة متماسكة وتبطل تلزق ممكن تشتغلي فيها على طول بس انا بحب اتركها ترتاح نصف ساعة بمكان دافىء وبقطعها وبرجع بريحها كم دقيقة مشان تسهل علي الشغل .. سهلة ومريحه وطعمها رائع طرية وحلوة