كيكة اللافندر 💜🍃 -‘ ‘
‘

خمس بيضات / كاس ونص دقيق / كاس سكر / ملعقه بيكنج بودر / ملعقه فانيلا / ثلاث ارباع الكاس منقوع بذور اللافندر وربعه زيت مع بعض بكاس واحد
نخلط بخلاط الكيك البيض ( يفضل فصل البياض عن الصفار وخلط البياض قبل مع السكر ) وبعدها اضافة الصفار والسكر والفانيلا الى ان ينفش البيض ويتغير لونه للابيض ،، بعدها نحط البيكنج باودر والدقيق وومنقوع اللافندر مع الزيت بس على شوي شوي ونوقف الخلط ونخلط بالملعقه حتى تتجانس المكونات مع بعض .. واخر شيء نضيف ملون طعام لونه بنفسجي ،،
بصينيه مدهونه ندخله الفرن على درجة حراره ١٨٠ من تحت لمدة ٢٠ دقيقه تقريباً .. يتبع / ملاحظه اذا عندكم نكهة لافندر سيروب اضيفو ملعقتين كبار
_’

بعدها نسوي الكريمه عباره عن كاستين كريمة خفق مع نص كاس سكر بودره نخلط بمضرب الكيك لحد ماتتماسك الكريمه ،، بعد مانطلع الكيكه من الفرن نخليها تبرد ونسوي فيها فتحات بالشوكه ،، ونسوي صوص عباره عن علبه صغيره نستله نص علبه حليب بوني كاس حليب طازج نخلطهم مع بعض بالمضرب اليدوي ( نضيف لون بنفسجي ملون طعام ونكهة لافندر او اذا باقي من منقوع اللافندر ) ونسقي الكيكه بالصوص ونخليها لمدة ساعه الى ساعتين واذا قبل بليله افضل وندخلها الثلاجه بعدها نطلعها ندهنها بالكريمه كامله ونقطعها مربعات ،، وعلى الوجه نرش بذور اللافندر وممكن قلتر خاص للاكل ونقدمها مع الصوص وبالعافيه الطعم قااتل .. 💜💜💜 _’