مندي دجاج مطبوخ بالملح
هالطريقه جداً لذيييذه وسهله ،، وبنات بالسناب عندي جربوها باللحم كمان وطلعت النتيجه روعه 😍👍🏻 _’

حبه دجاج نقطعها بالنص ونخلي الجلد نتبلها بفلفل اسود
وكركم وملح ( للي يحبون الملح بالاكل ) وبهارات تندوري(حسب الرغبه )
بعدها بقدر الضغط نحط ملح خشن ( استخدمت ملح القصيب ) ونضغط بيدنا عليه ونجيب الدجاجه اهم شيء تكون ناشفه تماما من المويه عشان لا يلصق الملح فيها ونحطها فوق الملح ونقفل عليها بقدر الضغط بدون مانظيف مويه لانه يطبخ على بخار الملح ،، نخليها على نار هاديه جداً لمدة ساعه الى ساعه ونص ..
بعد مايطبخ الدجاج اللي حاب يحمرها من فوق شوي يدخلها الفرن تتحمر 🙏🏼 _’

طريقة رز للمندي روعه 😍👍🏻 بقدر عادي ،، نحمس قرفه وهيل ومسمار وورق غار وكركم طازج مع شوية زيت ،، بعدها نضيف الرز ونحمسه شوي ونضيف له كمون وملح ،، بعدها نضيف المويه وتكون اعلى من الرز بقدر ( انمله 👌🏽 ) ونضيف على الوجه بصل حبات وثوم حبه كامله بقشرتها وفلفل احمر واخضر ونوع فلفل اسمه فلفل تايلندي ( اذا وجد وحسب الرغبه ) ونخليه تطبخ مع الرز لحد مايستوي الرز تماماً .. وقت التقديم نحط الرز ونحط الدجاج المندي فوقه ونحط البصل والثوم والفلفل للتزين من فوقه ،، وبالعافيه 😘