طريقة معجنات التونة

اسلقي صدور دجاج بالماء وخليها الين تستوي بعد كذا اخلطيها بلخلاط خلطه خفيفه وتركيها ع جنب اذا كانت الحشوة دجاج ،،، بصينية ع النار ثانيه ضيفي زيت زيتون والثوم وشوحيهم بعد كذا الفلفل الرومي المقطع صغير والتونة مع اضافه بهارات مشكله وملح وخليه يتسبك شوي ع النار تالي ضيفي بقدونس مقطع خفيف مع اضافه ملعقه جبن وملعقه مايونيز اذا مو متوفر مايونيز عادي وخليهم يتسبكو ع النار شوي تالي طفي وضيفي خيار مقطع مكعبات صغيرة اختياري اذا مو حابه مو لازم .
.
العجين ؟ ٢ كاسات دقيق ، رشة ملح ، رشة سكر ، ملعقه خميرة ، ملعقه بكينج بودر، قطعه زبدة ، ملعقتين سمن ، ٢ ملاعق حليب بودره وعجنيهم مع بعض تمام وغلفيها عشان تخمر معاكي .
.
اذا خمرت وقتها شكليها بأي شكل انتي تحبيه انا سويتها ع شكل قوارب ،، فردتها خفيف وقسمتها دوائر صغيرة من ثم حطيت الحشوة بالوسط وقفلتها من الطرفين وحطيتها بصينية مدهونة زيت ودقيق وحطيتهم جنب بعض بالصينية الين تمتلى معك صينية الفرن نسيت اصور الخطوة دي ،،، وادهنيها من فوق بالحليب السائل ونسكافية أو بيض ورشة سمسم أبيض ودخليها الفرن من فوق وتحت تتحمر اذا تحمرت معاكي طلعيها وغلفيها بنايلون ٥ دقائق عشان ترطب معاكي وتتلين وتقدري وقتها تنقليها لصحن التقديم بدون لا تتقطع عليكي وضيفي عند كل حشوة شريحة زيتون فالوسط مع كزبرة وقدميها وبلعافيه