برجر اللحم المنزلي 🍔🍟
1/لحم مفروم منزلي افضل الغنم وممكن تستخدمون بقري
اهم شيء يكون نسبه الدهن ربع كمية اللحم عشان يكون طري واللحم لو تقدرون تكون من الرقبه والكتف والصدر بيطلع لكم افضل لحم برجر وطري
2/نتبل اللحمه بملح وفلفل اسود فقط ولاتكثرون ملح احسبوا حساب ان الصوصات فيها ملح والجبن
3/نجهز بصل ابيض مفروم وطماطم نقطعها شرائح وخس المستورد الخاص باالبرجر
4/استخدم جبن شرائح برايد الخاص باالبرجر مكتوب عليه سريع الذوبان 👌🏻
5/نجهز الصوص
3ملاعق كبيره مايونيز /ملعقه كاتشب كبيره /ملعقه صغيره خردل /ملعقه من صوص الجبن فرشي ممكن تستغنون عنه /ملعقتين من صوص الثاوزند ايلند مو ضروري ملعقتين مخلل خيار الميني مفروم
6/نسخن الصاجه او التوه وممكن اذاء تبون نكهه الزبده ادهنوها مسحة زبده او ممكن تستغنون عنها
7/اكور اللحم كور حسب حجم خبز البرجر
8/نضع الكوره ع الصاجه ونضغطها بأية آداة متوفره عندكم وخلو اللحمه تكون سخيفه اطعم لها اذاء تحمرت اقلبوها واتركوهاتتحمر ع الجهه الثانيه
9/نضع شريحة الجبنه ع اللحمه ونوطي النار ونغطي التاوه لما تذوب الجبنه ونشيلها من التاوه
10/في نفس التاوه ندهنها زبده ونفتح الخبزه ونحمصها لما تتشقر خفيف ونشيلها
11/ندهن شريحه الخبز مع الجهتين من الصوص ونرش عليها البصل المفروم ونضع مع جهه شرائح الطماطم وجهه الخس ونضع اللحمه ونسكر البرجر وباالعافيه
ملاحضه/
ممكن انو تدخنوا شرائح اللحمه لتعطي نكهة الشوي
ج-\