بواسطة @tota1tota12
كبسة الروبيان الجاف 🍤
1/ننقي الربيان من الحصى والاوساخ وننقع الربيان الجاف بماء ساخن وشوي خل يشيل الزفره ونتركه نص ساعه لساعه
2/نغير مويته عشان نتخلص من الملح الزايد فيه وننطظفه ونشيل القشور اللي فيه راح تلاحضين بعض الحبات فيها قشر وبعضها لا
ونصفيه من الماء بعد غسله جيداً
3/نغسل الرز وننقعه بماء حار نص ساعه
4/نكشن بصل مع زيت وبهارات صحيحه ليمون اسود عود قرفه حب هيل وقرنفل وورق غار ونقلب لما يذبل
5/اضيف عليه معجون الثوم والزنجبيل واقلب
6/اضيف له الربيان بعد ما اصفيه من الماء واقلب
7/اضيف مكعب ماجي واقلب ثم اضيف بقدونس وشبت وكزبره ونعناع مفرومين واقلب لما يذبل شوي
8/اضيف علبه طماطم معلبه او ممكن طماطم مخلوطه باالخلاط مع صلصه واقلب لما يتسبك وهنا ممكن تضيفون له تمر هندي منقوع ومصفى يطلع طعم لذيذ انا ماكان عندي
9/اضيف بهارات سمك وكزبره وفلفل اسود واحمر وكمون وملح وصفار زعفران وليمون اسود مطحون واقلب
10/اضيف الرز واقلب ثم اضيف ماء ساخن حد مايغطي الرز فقط
وفص ثوم كامل بعد مااغسله واشيل الورق الزايد منه وفلفل حار
11/بعد مايتنشف اقصر النار واضيف ع الوجه سمنه واتركه من ربع ساعه لعشرين دقيقه ع النار لما يتمسمس الرز وباالعافيه