mish_kitchen

طبختنا اليوم طويله حبتين بس تستاهل التعب جد لذيذه
#صينية#الدجاج#بالزهره

المقآدير والطريقه مع بعض :
نجيب صحن صدور الدجاج .. نقطعها مستطيلات .. وبعدين ندخلها باكياس بلاستيك ونبدا نضرب نضرب لين تنفرد معانا اشوي ..
نبدا نحطها بصينيه عاديه فيها ( نص كاس دقيق + ملح + اجيناموتو + فلفل اسود + ملعقتين كبار بابريكا )
ونتبلها
دخليها الثلاجه لمده ساعه ساعتين ثلاث اللي تبين ..
دخليها الثلاجه واشتغلي بباقي الخطوات ..
الزهره ..
وبراويه اخرى ( القرنبيط )
امسكيه وقطعيه مو صغار مره .. كبار اشوي علشان لايذوب وقت القلي ..
وغطسيه بـ ( بيضتان + ملح + فلفل اسود )
واقليه ..
وتقلي صدور الدجاج المتبلة وترصيها في صينية
نجيب بصل شرايح + فطر شرايح + فلافل ملونه شرايح ..
ونحطها بزيت زيتون كلها مع بعض .. ونقلبها بس لمده 10 دقايق لاتلين مره .. نخليها محافظه على قوامها . .. نضيف ملح وفلفل اسود وماجي فقط ..
وبعدها نضيف زهرتنا المقليه ونقلبهم ..
نجيب خلطه عباره عن ( 3 علب فشطه طازجه + 4 فصوص ثوم + بيالة لبن سايل )
نخلط الموضوع مع بعض ..
ونضيفها على البصل ونقلب نقلب على نار هاديه جدآ ..
لمده 7 دقايق او 5 دقايق ..
مجرد تتماسك وتحسين انها امتزجت النكهات ..
نحط الصوص البصل وتوابعه .. فوق صدور الدجاج بالصينيه ..
وندخلها الفرن .. لمده ثلث ساعه من تحت .. بدون قصدير ..
وبعدين .. نرش ع الوجه موازريلا .. وبقدونس .. وندخلها من فوق فقط ..
وبالعافية ..