البوظه العربيه👌🍥
لتر وربع حليب مايعادل خمس كاسات حليب سايل طازج _ ثلاث ملاعق طعام سحلب مخلوطه مع ملعقة طعام سكر عشان مايتكتل السحلب مع الحليب ( السحلب موجود بالسوبر ماركت اوعند العطارين ) _ نص ملعقه صغيره مستكه مطحونه مع ملعقه صغيره سكر _ علبتين قشطه ( 170 جم للواحده ) _ ثلاث ارباع كاس سكر اوازود حسب الرغبه _ ربع ملعقه صغيره ملح _ كاس ونص فستق مجروش ومحمص بالفرن اوبالمقلاه بدون زيت
الطريقه
ضعي الحليب على النار ولما يطلع منه البخار ضيفي السحلب والمستكه والملح وقلبي بالمضرب اليدوي لمايغلي ويبدا يثقل شوي مثل شراب السحلب ثم بعديه عن النار وضيفي القشطه وضيفي نص كاس من كمية الفستق المجروش وقلبي وصبي الخليط في صينيتين متوسطه مفروشه بورق المونيوم ومرفوع شوي مع الاطراف وساويها بالملعقه وبتكون طبقه رقيقه نوعا ما ( ضروري تكون رقيقه عشان تساعدك اثناء اللف ) وغطيه بنايلو التغليف بحيث يلامسه وضعيها بالفريزر لماتتماسك تقريبا ساعتين الى ثلاث ثم اخرجيها من الفريزر واتركيها عشر دقائق ورشي باقي الفستق فوق طاولة طعام وانزعي ورق الالمونيوم ونايلو التغليف عن الايس كريم وضعيه فوق الفستق واضغطي عليه لما يتغلف من جهه واحده بالفستق ممكن تستخدمي فرادة العجين للضغط عليه عشان يمسك فيه الفستق ولفيه مثل الرول واذا تكسر مومشكله اضغطي عليه وبيتعدل شكله وبالفريزر لساعه ويقطع دوائر ويقدم وبالعافيه