كعك بالقشطة بجد أزكى طريقة للكعك 😍
الطريقة
8 كوب طحين ونسيح كوب سمنة وكوب زبدة ونضيف كوب زيت، م.ك فانيلا سائل م.ك بيكنج باودر ، 2 بيض و 6م.ك حليب بودرة ونص كوب سكر بودرة و2 علبة قشطة وم.ك بهارات كعك وما نزود بهار كعك لانو التمر رح نحط عليه بهار كعك …
اول شي نعجن المواد الدهنية مع الطحين سوا والعجن بكون بطريقة القرص وبعدين بنبس الطحين بايدينا او بنزله بالغربال وبعدين بنضيف باقي المكونات.. والخبز يكون ع نار وسط والتحمير من فوق وتحت متل ما انتو شايفين لانو الكعك هاد لو اتحمر كتير بيسير يقرش واحنا ما بدنا اياه يقرش .. ادهنو الوش بالبيض مع كم نقطة فانيلا بيعطيه لمعة حلوة كتير بس انا نسيت وقتها ادهنو 😢
التمر بنعجنو بسمنة وبنضيفلو شوية قرفة وبهارات كعك وشوية سمسم
والشكل الثاني هاي مقروطة بتعملو عجينة كبيرة ع شكل حبل وبنحط التمر وبنبرمها وبنضغط عليها شوي بالايد وبنقطعها بالسكين بزاوية مايلة وبناخد كل قطعة بنغطسها من جهة وحدة فقط ببيض بعدين بنغطسها بصحن فيه حبة بركة وسمسم
بالنسبة للبيض لانو ع الدايركت سالوني اذا ممكن نستغني عنو .. بالعجين لازم بيض وما رح تحسو بطعمه نهائيا لانو فيه بهار كعك وفانيلا .. اما الوش مو ضروري تدهنوه