عجينة المعمول المد يا ويلي 😍
وصفة طعمها بجنن ومش صعبة اخدتها من صديقة لبنانية 🌹
● 250 غرام سميد ناعم
● 250 سميد وسط
● 150غرام سكر بودرة
●نص ملعقة صغيرة محلب مطحون
● نص كوب مي وربع كوب حليب سائل
● 200 غ سمنة نباتية
● نص ملعقة صغيرة خميرة
●معلقه كبيره ماء الورد
●معلقه كبيره ماء الزهر
الطريقة نخلط السميد الناعم مع السميد الوسط والسكر البودرة والخميرة والمحلب والسمنة وبفرك بإيدنا ليتشرب السمنه وبنضيف المي والحليب ويخلط المزيج جيدا حتى يصبح عجينه طريه ومتماسكه. وأخيرا يضاف ماء الزهر وماء الورد ويخلط المزيج للمرة اﻷخيرة وتترك العجينة ترتاح لمدة ساعتين
تمد العجينة في صينية ثم طبقه القشطه (القشطه البيتيه بس محلاة بالسكر) ودخلت فيها انا فستق اختياري بنمدها بشكل متجانس وأخيرا يوضع فوقها طبقة من عجينة المعمول باستخدام نايلون لاصق بشكل متجانس وتدخل الى الفرن ساخن على درجة متوسطة
وبس طلعت من الفرن دهنت الوجه بشويه قطر خفيف مش ثقيل ودافي
وبننتظر لتبرد منيح وتتماسك بنقصها والزينه حسب الرغبه
ملاحظه بتشكلوها متل ما بتحبو بس ما توصل السكينه لتحت بس من فوق وبعد الخبز ولتبرد تماما التقطيع
القشطه (قشطة القريش): ليترين حليب سائل عالنار مع التحريك لحتى يغلي بطفي النار وبتركو يهدا شوي .. برجع بشغل النار وقتها بنضيف ربع كوب خل وبنحرك بيفصل الحليب وبيسير يطلع فيه متل تكتلات هاي هي القريش ..بضل حرك عالخفيف ليصير لون الحليب متل المي عصفار لأن طول ما لون الحليب ابيض بضل بيطلع قريشه للقشطه عنا.. بنصبر شوي عليها لتفصل عالآخر القريشه بنصفيهن وبنكب المي
بنفس الطنجره حطيت ليتر حليب 5 م.ك نشا خمسه ومعلقه طحين بخلطهم ع البارد بعدين ع النار لتصير متل المهلبيه .. بس تتماسك بنحط القريشه يلي طلعت معنا من الحليب وبنحرك شي دقيقه عالنار .. وبنطفي النار وبنخفقها وبس تبرد بنستخدمها❤