فطيرة التارت

العجينه قطططن
..
المقادير :
كاستين ونص دقيق
٣ ملاعق حليب بودره
ملعقة طعام خميره
٣ ملاعق سكر
ملعقه صغيره ملح
ثلث كاسة زيت
كاسة مويه
.
.
الطريقه:
في زبديه تحطين كاسة من الدقيق + الحليب + 
الخميره +السكر+ المويه 
تخلطينهم بالمضرب اليدوي حتى تتجانس وغطي عليها واتركيها ١٠الى ١٥د
بعد مرور الوقت اضيفي باقي الدقيق والزيت والملح
واعجنيها حتى تصير ملساء وناعمه غطيها واتركيها ترتاح عشر دقايق ثم ابدأي شكليها ..
.
.
انا فردت تقريبا ثلثين العجينة في صينية التارت وبعدين حطيت الحشوه وغطيتها بطبقة عجين والزايد من العجين قطعته بقطاعة شكل ورده ووزعته عالاطراف ومسحت الوجه ((ببياض بيضه مع شوي نسكافيه وحليب سايل ونقط خل)) ودخلتها الفرن بالرف الوسط حتى تحمرت الاطراف وبعدين حمرتها من فوق ..
.

الحشوة : ( ممكن تحطين اللي تحبين مثل جبن او زعتر او تونه مكشنه او خضار اي حشوة تعجبك)
حشوتي كانت :
صدرين دجاج مسلوقه ومنتفه
بصله صغيره ( حبتين بطاطس وسط -حبتين باذنجان صغار – جزره- كوسا- فلفل رومي – عود بصل اخضر – شوي بقدونس )
فلفل اسود – ملح – كمون – كزبرة – كركم
مكعب ماجي
ملعقة صغيره قشطة
ملعقتين صغار جبنه سايله
ربع كوب حليب سايل
.
الطريقة: في قدر تيفال شوية زيت حمرت فيه البصل بعدين اضفت شوي من البقدونس والبصل الاخضر وبعدها الخضروات مقطعه صغااار والبهارات والماجي قلبتهم تقريبا ١٠دقايق واذا حسيتيها ناشفه مره اضيفي من مرقة السلق تقريبا فنجان قهوه كل شوي كرري اذا حسيتيها ما استوت وقلبيها حتى تستوي تمااام ثم اضيفي صدور الدجاج مع شوي من مرقة السلق والقشطه والجبنه والحليب وباقي البقدونس والبصل قلبيهم قلبتين وطفي .. 👌🏼