.
طريقة الكانيلوني
الطبقة الاولى : في الخلاط طماطم وثوم وفلفل حار وحبه بصله صغيره وكمون وفلفل اسود تخلط وتوضع على نارهاديه مع شوية زيت زيتون حوالي ربع ساعه نضيف ملعقه كبيره معجون الكاري الحار ونحط الصلصه في صينيه بايروكس
الطبقه الثانيه نحشي مكرونه الكانيلوني باي حشوه انتوا تحبوها انا كنت حاشيها بالدجاج مع الخضار حمسة بصل مع ثوم وفلفل حار الين يتحمر البصل نضيف ماجي و قطع دجاج صغيره ونقلبها الين تنضج نضيف الخضار المشكله وتضيفي بهاراتك المعتاده فلفل كمون بهار مشكل بهار الكاري كزبره وبعد مانشيلها من على النار نضيف شبت وكزبره ونخلطهم ونحشي المكرونه ( المكرونه ليك الخيار اماتسلقيها قبل الحشو لمدة ثلاث دقايق فقط عشان متنفتح او تحشيها على طول وفي الحاله الثانيه بعد مترصيها حطليها اي شي سايل جبن سايل مخلوطه بماء او قشطة خفق حسب الموجود المهم بعد ماترصيها وتشربيها تحطي الطبقه الثالثه الي هي
الطبقة الثالثه باشميل ومايكون ثقيل ابدا ويكون طبقه خفيفه وترش بجبنه موزريلا على الوجه ورشه اوريقانو وندخلها الفرن وبالهناء والعافيه
اسفه يمكن دوختكم شوي معايه وعلى فكره هذي الطريقه من مخيخي ياااارب تعجبكم