صينية الرز بالدجاج والخضار 😍👌 المقادير :
حبتين بصل – ٣ فصوص ثوم – حبتين كوسا – حبة جزر – ذرة – حبة بطاطس – حبة فلفل رومي – كاسة ونص رز – صحن صدور دجاج.
بهارات : ملح ، فلفل اسود ، كمون ، كاري ، ماجي ، بهارات صحيحة / كمون ، هيل ، قرفة.
معجون طماطم – كريمة طبخ .

الطريقة :
– انقعي الرز ، قطعي الدجاج مكعبات ، قطعي الخضار مكعبات ، اقلي البطاطس .
– جهزي قدر للرز ، حمسي فيه بصل وفص ثوم مع قليل زيت زيتون وحركيهم .. بعد مايحمر البصل حطي الكوسا والجزر والذرة (ممكن تستبدليها بخضار مثلجة انا افضّل الطازة) ، قلبيهم وحطي الماجي والبهارات الصحيحة : هيل وقرفة وكمون .. اسلقي الرز بمويا دافية أو مرقة دجاج اذا كان عندك .
– جهزي قدر للدجاج ، حمسي فيه بصل وفصين ثوم مع قليل زيت زيتون بعد مايحمر حطي الفلفل الرومي والدجاج .. اضيفي البهارات ؛ الكمون وملعقة كاري وفلفل اسود وملح ، غطي عليه وخلي النار متوسطة حتى تنشف موية الدجاج .. بعد استواؤه حطي ملعقة كبيرة معجون طماطم ، ونص كاسة كريمة طبخ.
– جهزي صينية بايركس حطي الرز فيها ، فوقه البطاطس المقلي ثم خليط الدجاج .. ودخلي الصينية الفرن من تحت (١٠-١٥) دقيقة وقدميه مع تزيينه بالكزبرة الخضراء 🍃
لذيذ حبيت نكهته 😻 جربوه واعطوني رايكم