الكنافه
👌👌👌 سبعه كاسات كنافه مفرومه في محضرة الطعام _ ملعقتين طعام سكر بودره _ نص كاس زبده سايحه _ نص كاس سمنة المراعي سايحه

الحشوه
في قدر على النار نضيف ثلاث كاسات ماء وست ملاعق حليب بودره ونقلب ولما يبدا يطلع البخار نضيف ثلاث ملاعق نشا مليانه مذوبه في نص كاس ماء بالتدريج مع التحريك بمضرب اليد لما يثقل ويغلي ونضيف لها علبة قشطه وملعقتين جبن سايل وثلاث ارباع كاس جبن موزوريلا اوجبن عكاوي منقوع في ماء من قبل ومصفى ومفتت ونحرك ونبعده عن النار ونضيف له ملعقتين طعام ماء ورد ونقلب. يفضل عمل الحشوه بالاخير عشان ماتتماسك وبعدين يصعب فردها فوق الكنافه.
الشيره

كاسين سكر _ كاس ونص ماء _ ملعقه صغيره عصير ليمون. تغلي لما تصير متوسطه وليست ثقيله. انا اسوي نص كمية الشيره واضيف لها كاس عسل واقلبها مضبوط واستخدمها.
الطريقه

افركي الكنافه بالزبده والسمنه والسكر وضعي نص الكميه في صينيه اكبر من متوسطه واضغطي عليها بيدك وطلعي لها شوية اطراف واحضري صينيه اصغر منها بقليل وضعيها فوق طبقة الكنافه وضعي فوقها اي ثقل واتركيها ربع ساعه عشان تصير متماسكه الكنافه وبعدين شيلي الصينيه من فوقها وافردي الحشوه وساويها وضيفي باقي الكنافه وافرديها بيدك واضغطي عليها قليلا وضعي الصينيه مره ثانيه فوقها وبدون ثقل ودخليها فرن حار على حرارة ميه وثمانين لمدة ساعه تقريبا اولماتتحمر مضبوط من تحت.
ارفعي الصينيه من فوقها وحمري الكنافه من فوق على نار هادئه لماتاخذ لون واحد وصبي عليها الشيره البارده وبهدوء ومع اطراف الصينيه والوسط واتركيها تتشرب عشر دقائق واقلبيها وتزين وتقدم وبالعافيه