معمول تمر

الطريقة : منخفق كاس زبدة وكاس سمنة وثلث كاس زيت (فيكم تستخدموا كامل المقدار زبدة أو سمنة أنا خلطت) منخفقهم مزبوط بعدين منضيف عليهم علبة حليب مكثف محلى وزن 395 غ ومنخفق ومنضيف فانيليا وبهار المعمول ( يانسون شومر محلب مطحونين) ومنضيف الطحين المنخول بالتدريج اخدت معي 5 كاسات وربع طحين بس نضيف الطحين منفرك فرك ومنلم العجينة لم من دون عجن بعدين منغطيها بنايلون ومنتركها ترتاح ساعة أو اكتر بالبراد….. بعد الساعة منشوف قطعة صغيرة بايدنا إذا كانت ناعمة وماشققت بتكون جاهزة للشغل وإذا شققت منضيف بخات من ماء زهرأو الحليب أو الزيت أو ملعقة سمنةوبرؤوس أصابعنا منعجنها لتصير تتشكل بسهولة منحشيها ومنشكلها والخبز بفرن محمى مسبقا ع الرف الوسط وشغال من فوق وتحت ع حرارة 180_200 مابتاخد وقت راقبوها مزبوط بس تستوي منتركها تبرد بعدين منحفظها بعلب وبين كل طبقة والتانية منحط محارم أو ورق زبدة…
🌺الحشوات : تمر معجون مع زبدة وزيت زيتون وشوي قطر وهيل وقرفة…… الحشوة التانية خلطت فستق حلبي وجوز مجروشين
مع ملعقة حليب بودرة(بتعطي طعم روعة مع حشوة الفستق) وملعقة سمنة وملعقة ماء زهر وقطر وعجنتن مزبوط طبعا المكسرات الأفضل تتحمص قبل مانستخدمها بالحشوة بتطلع أطيب
استخدمت الاكواب المعيارية بالوصفة … نوع السمنة أو الزبدة بيفرق كتير بطعم المعمول كل ماكانوا طيبين بيطلع المعمول طيب… وبما انو درجات الحرارة عالية يفضل حفظ المعمول بعلب محكمة الغلق بالبراد أو بغرفة مبردة