مندي دجاج

الطريقة : بعد غسل الدجاج مزبوط بطنجرة ع النار منحط مي بس تغلي منحط الدجاج واذا طلعت رغوة ع الوجه منشيلها بعدين منحط المطيبات ( بصل توم زنجبيل أخضر قشر ليمون قرفة هيل ورق غار قرنفل فلفل كمون كزبرة وكلها بهارات صحيحة ) منتركوا ليستوي بعدين منصفي مرقة الدجاج ومنصف الدجاج بصينية فرن مدهونة زيت ومندهنها بخلطة عبارة عن : زيت بهار مندي وصفار زعفران ورشة من كل من كاري كركم هيل كمون زنجبيل وملعقة صغيرة هوت صوص مندهن الدجاج ومندخلوا الفرن ليتحمر بعدين مندخنوا بقطعة فحم مع ملعقة زيت ….. بطنجرة ع النار منحط زيت مع ملعقة سمنة وعودين قرفة ورقتين غار وحبة لومي وهيل وقرنفل وفلفل وكزبرة وكمون حب (بهارات صحية) قرن فليفلة حدة بس تطلع ريحتها منضيف بهار مندي وفلفل وهيل مطحونين بعدين منزل الرز (مغسول ومنقوع ومصفى ) منقلب شوي ومنزل مرقة الدجاج ( او مي مدوب فيها ماجي) ومنعدل الملح بس يستوي منضيف عليه ملقى زيت ومنرش ع الوجه ملعقة ماء ورد مدوبين فيها بودرة زعفران وبدون مانقلب بعدين منجيب قطعة قصدير أو فنجان منحط فيو شوية زيت ومنحطو بوسط الطنجرة ومنحط قطعة فحم مجمرة ومنغطي لياخد الطعم ….. بيتقدم مع مكسرات وزبيب وسلطة الدقوس الباردة يلي بحب يعملوا بالفرن منحط اول شي البهارات يلي حطيناها للرز بصينية ومنحط الرز فوقهم وعيار المي بعدين منحط شبك فوق الصينية ومنصف قطع الدجاج منكون داهنينها بنفس الخلطة السابقة من قبل بيوم وطبعا الدجاج هون ني ومنغطيها ومندخلها الفرن …. 🔷الدقوس : حبتين بندورة قرن فليفلة حادة سنين توم شوية بقدونس أو كزبرة ملعقة عصير ليمون ورشة ملح وفلفل وملعقة دبس بندورة بتخلطوهم ع الخلاط أو بالبشرة ماعدا الكزبرة منفرمها فرم ناعم