مدفونة لحم اودجاج بطبقة الملح
المقادير
كيلو لحم بعظم طازج او دجاجه مقطعه انصاف ( انا سويتها بالدجاج ) _ قطعتين شحم تجي كاس تقريبا اذا كان لحم وملعقتين زيت زيتون اذا كان دجاج _ نص ملعقه صغيره لكل من كمون وفلفل اسود وكركم وبابريكا وبصل مجفف وثوم مجفف اوطازج وفلفل حار مجروش وملح والي يحب اكليل الجبل يحط منه ملعقه صغيره طازج اوممكن مجفف مع اللحم فقط _ ملعقة طعام صوياصوص اوترياكي للدجاج _ . تخلط ويتبل بها اللحم اوالدجاج .
حبتين بطاطس كبيره مقطعه حلقات عريضه _ ملح خشن
الطريقه
في قدر الضغط اوالكاتم ضعي كميه من الملح بارتفاع ثلاثه سنتميتر ورصي فوقه دوائر البطاطس وتكون جافه مافيها ماء ورصي فوقها قطع اللحم اوالدجاج وتكون جافه تماما بدون ماء وحاولي تبعدي القطع عن جدار القدر عشان مايحترق اللحم اوالدجاج يعني يكون اللحم بالنص ورصي فوقه الشحم وغطي القدر باحكام وشغلي عليه النار وتكون عاليه العشر دقائق الاولى لتسخين الملح وبعدين خفضيها الى اكثر من متوسطه بس ماتكون عاليه واتركيها لمدة ساعه اوساعه وربع حسب عمر الذبيحه واذا كان دجاج نص ساعه تقريبا لما يستوي ويتحمر واذا استوى بدون مايتحمر ادهنيه بزبده اوزيت زيتون و حمريه بالفرن ويقدم مع الرز.
طريقة الرز :
سخني قدر وضيفي له حوالي كاس من الشحم لما يذوب نصه اوممكن تستبدليه بربع كاس زيت عادي اوزيت زيتون اوسمنه وضيفي له عودين قرفه وورقتين غار وخمس حبات هيل وثلاث حبات قرنفل وقلبي وضيفي ثلاث كاسات رز منقوعه وغطيه بالماء وضيفي له الملح وفصين ثوم وملعقة طعام ورشستر صوص اوصويا صوص وغطيه لما يستوي وضيفي له ملعقه صغيره كركم وقلبي من فوق وبعدين قلبيه مع بعض ويقدم.
ملاحظات هامه👇👇
ماينفع تعمليها باللحم اوالدجاج المثلج اومن الفريزر راح يطلع ماء وتخرب الطبخه ضروري يكون طازج اومجفف تماما من الماء.
اذا بغيتي تحولي المدفونه لمندي بعد ماتنتهي من عمل خطوات المدفونه ومن عمل الرز ضعي الرز في صينيه اوقدر وفوقه اللحم وضعي بوسطه قطعة قصدير فيها شحم مفروم اوممكن زبده اوزيت وتضعي فوقه قطعة فحم مولعه وتغطيه لعشر دقائق اوممكن اقل حسب ماتحبي نكهة التدخين.
بعد مااستوى لون اللحم بيكون وردي ويتفتت وبالنسبه للملح الخشن ماله اي تاثير في الطبخه هوعامل تسخين فقط يعني ملوحة اللحم من الي في التتبيله فقط.
الملح البحري هو ملح البحر الطبيعي الخشن الذي لم يتعرض لصناعه وسعره رخيص
اهم شي يكون كل شي جاف اللحم اوالدجاج والبطاطس والملح عشان مايطلع ماء
رووووعه جربوها