#Repost @ranoosh.recipes
• • • • •
وصفة شلفتها شلف بعد ما لقيت صدر جاج بالتلاجة قلت اسوي عليه رز وجاج بطريقة مختلفة وما خطرلي اسم تاني، المهم طلعت الحمدلله جدا لذيذة ان شاء الله بتعجبكم
–
اول خطوة تتبيلة صدور الدجاج استعملت

1 ملعقة كبيرة صلصة الصويا
1/2 ملعقة صغيرة بابريكا مدخنة (مو العادية)
فلفل اسود
مكعب مرق مذوب بملعقتين كبار ماء
ملعقة كبيرة لبن
ملعقة صغيرة ثوم بودرة
ملعقة صغيرة بصل بودرة
ملعقة صغيرة خردل بودرة
–
كله بيطلع متل الصلصة السميكة تبلت فيها صدر الدجاج، واحد كبير أو اتنين حجم صغير)
– 🌸 تبلت صدور الدجاج
–
🌸 حمرتهم على النار حتى اخدوا لون ورفعتهم (لسا ما نضجوا)
–
🌸 أضفت كمان ملعقة زيت وأضفت الرز و حركت، رح ياخد من طعم ولون البهارات اللي نزت من الدجاج
–
🌸 أضفت مرق الدجاج مع خضار مشكلة وممكن هون تضيفوا اي بهارات بتحبوها
–
🌸 منغطي على الرز حوالي 10 دقايق وبعدين منرفع الغطا ومنرجع قطع الدجاج ومنغطي كمان 10 دقايق لينضج الكل سوا
–
آخر شي قبل التقديم حطيت مكسرات وزبيب ورشيت بقدونس للون
–
طبعا ممكن تضيفوا أو تنقصوا اي شي، انا هون مشيت مع اللي كان متوفر بين ايدي شغل سرعة للغدا
–
صحة وهنا