مقادير العجينة:
–
كوب وربع طحين
ملعقة سكر
رشة ملح
اصبع زبدة مقطع مكعبات صغيرة بااااااردة من الثلاجة
ماء بارد حسب الحاجة
–
بالخلاط فوود بروسيسر منضيف كل المكونات ماعدا الميي ومنضرب كم ضربة حتى الطحين مع الزبدة يصيرو شبه الكسكس، منضيف ملعقتين ميي باردة ومنرجع نضرب بالخلاط، منضل نضيف الميي بالتدريج لحتى تتشكل عجينة، لازم نستعمل أقل قدر ممكن من الميي وماااااا نترك العجينة تنعجن، اول ما تمسك فورا منشيلها.
–
مندخلها البراد حوالي نصف ساعة وبهاي الأثناء 👇👇
–
الحشوة:
–
الحشوة مالها مقادير معينة لأن بتعتمد على نوع التفاح واديش فيها ميي وسكر، انا استعملت التفاح الأحمر الحلو، قشرت تفاتحين وقطعتهم مكعبات صغيرة وحطيتهم على النار مع ملعقة كبيرة سكر وعصرة حامض وملعقة صغيرة قرفة وملعقة كبيرة طحين. وتركتهم على نار واااطية حوالي حتى ذبل التفاح ونز سائل وتماسكت الصلصة بعدين ضفت الفانيلا، تركتها تبرد وصارت ماسكة اكتر.
–
⚠️⚠️⚠️ ازا كان التفاح ناشف ممكن تضيفو كم ملعقة ميي لحتى تستوي، ممكن تستعملو كمية السكر اللي بتحبوها حسب نوع التفاح.
–
طريقة الحشوة واضحة بالصور فوق، استعملت قالب مكعبات الثلج 👆👆👆 أهم شي الشغل بهدوء وبتروي وتكون العجينة والحشوة إجمالا باردة. ما تنسوا ترشو قالب مكعبات الثلج بالطحين. –
بعد التقطيع دخلتهم البراد حوالي ساعة وبعدين دخلتهم الفرن حرارة 180 حتى دوب اخدت لون خفيف، ما ننسى هاد بسكوت ،مو خبز.
–
قدمتها مع صلصة كراميل وجوز (ما حطيت الجوز بالحشوة لأن خفت تخزق العجين) وعلى الوجه سكر بودرة. لذييييييييذة