الطريقة:
–
🔴 بطنجرة على النار منضيف زيت نباتي ومنحوس بصل مقطع جوانح مع ثوم مع ملح، حتى يذبل
🔴ثم منضيف بضعة ملاعق من برش جزرة
–
⚠️⚠️⚠️ الجزر اختياري بس انا بأيد وبقوة إضافة مكون حلو مع الأكلات اللي فيها مرق بندورة حتى يعادل الطعمة، احيانا بدل الجزر ممكن أضيف رشة سكر أو ملعقة كاتشاب أو تمر هندي….. الخ حسب الموود)
–
🔴 منضيف اللحمة ومنحرك وما ننسى الملح والبهار
–
⚠️⚠️⚠️ملاحظة: الأكلات اللي فيها مرق بندورة يفضل معها استعمال البهارات الصحيحة بدل البودرة لأنها ممكن تغير لون المرق الأحمر الحلو. انا بستعمل ورق غار، هيل، قرنفل، لومي، قرفة…. بداخل كيس مخصص للطبخ داخل ماء سخن وبشيلو بعدين –
🔴 منضيف معجون الطماطم و بندورة مقشرة مهروسة( بستعمل المعلب نوعية كويسة لأن طعمة البندورة فيها أقوى وخالية من البذور مابدي تطلع بالأكلة)
🔴 بضيف مرق الدجاج أو اللحم غمرتهم – أو مكعب المرق
🔴 بضيف البطاطا المقطعة المقلية/أو مسلوقة أو مشوية ازا بتحبو، انا استعملت المقلية بالتيفال
–
⚠️⚠️⚠️ ممكن تضيفوا البطاطا النية من الاول ازا بتحبو
⚠️⚠️⚠️ ازا اللحمة شقف كبيرة تأكدوا تتركو المرق يغلي حتى تنضج.
–
آخر شي بس تنضج وتعقد الصلصة بضيف ملعقتين حامض وتقدم بكزبرة على الوجه.
–
صحة وهنا سلف يارب
المقادير لهاي الوصفة كتييييييييييييييير سلسة، ممكن تغيروا أو تضيفوا أو تعدلوا زي ما بتحبو, ممكن اي نوع خضار… –