- 82
- 0
- الأربعاء, 20 مارس, 2019 - 4 , صباحًا
- التقييم:
الطريقة و المقادير
نتبل دجاجه كامله من دون نزع الجلد بملح وليمون وثوم وبهار المشاوي ونحط في بطن الدجاجه فلفل حار صحيح وفصوص ثوم صحيحه بصله مقطعه ارباع ونحطها في كيس الشوي ونربطه ونحطها في صينية الفرن وندخلها ساعه كامله نار من تحت ..وبعدها نفتح الكيس ونصب عالدجاجه من مويتها ونحمرها في الفرن من قوق …
تحميسة الخضار:
نحمس جوانح بصله في شوي زيت ونحط عليه شرايح فاصوليا ونحمسها تستوي شوي ونحط عليها بطاطس وجزر مقلي ونحط فلفل رومي مقطع كبير الوان واصابع كوسه … ونقلبهم ونحط عليهم التتبيله التاليه:
ثوم زنجبيل اخضر تتبيلتي وصويا
وشطة سومطره وخل تفاح وممكن خل عادي وصوص الباربكيو بهار مشويات … ومعهم نحط قطعة مخلل ليمون… نقلب التتبيله ونحطها على الخضار وملح ونقلبهم ونتركهم عالنار ١٠ دقايق … نطبخ رز ابيض عادي اذا قربت موية الرز تتشف نصب عليه من موية الدجاجه المشويه … وباقي موية الشوي حطيها على حمسة الخضار …
حطي الرز في صحن التقديم وحطي عليه الدجاجه المحمره ووزعي الخضار على جوانب الرز
وبالعافيه
